ဗိသုကာႏပညာႏ

ဘာႏသာႏထွောင်းဖြယ်ခေါ်အစွိုးအဒဝ်ႏဖုံႏ။: ယိုနဝ်ꩻ ထွာ(တဗာႏ) အဲန်စဉ်နီယာထာꩻဒါႏ ရွီးခိုႏ.

ဗိသုကာႏကရိုꩻနဝ်ꩻထွာဒျာႏ အနုပညာႏတွမ်ႏသိပ္ပံပညာႏဖဲ့ꩻဆဲင်ႏရာꩻ ထွို့ꩻတဲမ်းအီ ဝေင်ꩻအထန်ႏတွမ်ႏဝေင်ꩻအကိုဖုံႏ ဒီသိုင်းပွုံႏစံႏဖုံႏတဲင်တွော့ꩻ နဝ်စားဖုံႏနဝ်ꩻ အခင်ႏလမ်းပငါပရာꩻဗွောင်ခါꩻဖေႏ တားလဲ့ အဝ်ႏဒို့ꩻခါꩻဖေႏထွာဒျာႏပညာႏတဗာႏဒျာႏသွူ။ .

အိုဒစ်သ ဇာတ်ခင်ႏလမ်း၊ ယူကရိန်း (Odessa Opera Theater building, Ukraine)

ဗိသုကာပညာႏနဝ်ꩻထေင်းထမ်ႏချက်ဆဲင်ႏရာꩻဖုံႏ၊လိုꩻမုဖဝအုံအဝ်ႏရေꩻဆဲင်ႏရာꩻတွမ်ႏအတရေꩻဖုံႏဆဲင်ႏရာꩻဖုံႏယို တဲမ်းထွို့ꩻအီလွေꩻစီႏမံႏကိန်ꩻအခင်ႏလမ်းဒီသိုင်းပွုံႏစံႏဖုံႏထွူတဲင် တယ်ႏဆို့ꩻလွေꩻတွမ်ႏခွုမ်စမ်ႏမာꩻအဲဥ်ဂျင်နီယာဖဲ့ꩻဆဲင်ႏရာꩻ ထာꩻမာꩻစဲဉ်ႏတွမ်ႏထေထန်ႏတဲမ်းထွို့လွေꩻအစီႏအစဲန်ႏ ထာꩻမာꩻနီဗာႏလွုမ်းနဝ်ꩻသွူ။နဝ်ꩻစားဖုံႏကလိုႏအပ်မုဖုံႏနဝ်ꩻ တခြိုꩻ၊အနယ်ꩻပညာႏ၊အရောင်ႏတွမ်ႏအယောင်ꩻဖုံႏယို ခွုမ်စမ်ႏတဲက်ထွာမာꩻတွောင်းငီႏတရျားဖေႏဗာႏသွူ။ဗိသုကာႏပညာႏယိုနဝ်ꩻ တဲမ်းထွို့ꩻလွေꩻစီႏမံႏကိန်ꩻ၊ထွို့ꩻဗူႏပွုံႏဒီသိုင်း၊ခတ်ကယ်ꩻဖေႏဗာႏကလို့သင်ꩻရာꩻစရိပ်တွမ်ႏတယ်ႏဆို့ꩻရေꩻစီႏမံႏဖန်းဖြယ်နုဲင်းယိုစားတဲင်ကထေထန်ႏခါꩻဒါႏဒီသိုင်းခင်ႏလမ်းဖုံႏယို ခွုမ်စမ်ႏမာꩻဖောႏနယ်နေးအနမ်းအခြုံတဲင် တွမ်ႏထာꩻထီႏအဖဲ့ꩻအစဲင်ႏနဝ်ꩻလဲ့အဝ်ႏပါသော့ꩻသွူ။ ခြဲ့ꩻလုဲင်းလွေꩻဗာႏအဓိပ္ပာယ်ႏဗွောင်ဖွင်ꩻနယ်ꩻနောဝ်ꩻ မက်ခရိုအရန်း( ဝေင်ꩻတန်ကိုပွုံႏစံႏဒီသိုင်း|ထွားခင်ဗိသုကာႏ) နဝ်ꩻမꩻ မိုက်ခရိုအရန်း+ ( တယ်ႏဆို့ꩻရေꩻအပေႏစားအချက်အဗာႏဖုံႏတွမ်ႏပရိဘောဂဖုံႏ) ဒီသိုင်းပွုံႏစံႏထေင်းထမ်ႏချက်ကားကအဝ်ႏ ပါႏနွောင်ꩻသော့ꩻဒျာႏသွူ။အစဲစ်အမဲန်ႏကရိုꩻနဝ်ꩻ ခေတ်ဟန်ႏသနီꩻဗိသုကာႏပညာႏယို စနစ်မျိုꩻမုဲင်ꩻလဲ့တယဝ်း တဲမ်းထွို့ꩻဒီသိုင်းထေင်းထမ်ႏချက်ဖုံႏယို ယီးနယ်ရေႏရွယ်ႏနွောင်ꩻထွူတဲင် နုဲင်း IT ကမ္ဘာႏဟံႏတန်သားနဝ်ꩻတဲ့ မညတွမ်ႏမမွိုင်နဝ်ꩻ အဝ်ႏသွုံꩻရောင်ဝင်ꩻဖုံႏသွူ။

ဗိသုကာႏစူခြောင်ꩻဖုံႏယို ယေန်ႏငဲးမုတွမ်ႏထွာ ခမ်းထီသင်္ကေတဖုံႏတွမ်ႏထွာယင်းအနုပညာႏစူခြောင်ꩻဖုံႏတဲင် ညတဝ်းအခိန်ႏတွမ်ႏအခါႏ အဝ်ႏထီႏထွားဗာႏသွူ။သမဲင်ꩻနွို့မတ်တန်ꩻယေန်ႏငဲးမုဖုံႏယို ဝွေꩻသီးခွိုင်းကအဝိႏကုဲင်ဒါႏဗိသုကာႏစူခြောင်ꩻဖုံႏယိုနဝ်ꩻ တွမ်ႏအောင်ႏမျင်ႏမုဖုံႏအနေႏတဲင် မညတွမ်ႏမမွိုင် အွဉ်ႏထွော့ပꩻဖြယ်နေးဖေႏဒျာႏသွူ။

မဉ်ႏရိုꩻဗာႏတနယ်ꩻတဲ့နဝ်ꩻ ဗိသုကာႏပညာႏယို လိုꩻ၊အသောင်အရင်ꩻတွမ်ႏသဘာႏဝတရာꩻဖုံႏယို ဖေႏကထွာလွေꩻငီႏငီႏတရျားရျား သဟဇာတတဲင် ရေႏရွယ်ႏလွေꩻဒျာႏ ဖေႏကကေႏလယ်ႏအီအတာႏ ထာꩻမာꩻခွုမ်စံႏတဗာႏဒျာႏသွူ။တဲက်ထွားဗာႏယင်းတွမ်ႏကမ္ဘာႏလိုမ်းဆဲင်ႏရာꩻနဝ်ꩻ ဗိသုကာႏပညာႏပြွူႏဖြွိုထင်ႏထိုမု ထွာအထျꩻအဓိကအကွို့ꩻအခဝ်တဗာႏထွူတဲင် ကတယ်ႏဆို့ꩻခါꩻထွူလဲန်းဒျာႏအသောင်အရင်ꩻထွာစီꩻကန်ꩻအချက်အဗာႏဖုံႏဒျာႏသွူ။