ယူဂိုဆလားဘီးယားနုဲင်ႏငံႏ
၁၉၉၃ဗာႏ ယူဂိုဆလားဘီးနုဲင်ႏငံႏနောဝ်ꩻ အဝ်ႏဒျာႏဥရောပအထာႏဝတဲင် သမ်းထွာဒျာႏကွန်မြူနစ်ခမ်းသွူ။စီꩻပွာꩻရေꩻတဲ့အစိုႏရထိန်ꩻခါꩻခွုမ်ခါꩻတိဉ်ႏတဲ့ꩻနေးစားဒျာႏသွူ။ကထွိုင်ႏတွိုႏ ၁၉၈၀နောဝ်ꩻ သမ်းကျုံႏခွဲဗာႏ စီꩻပွာꩻရေꩻစီႏမံႏဖန်းဖြယ်မုညံးတဲင် အစိုႏရနောဝ်ꩻထေထန်ႏအာဗာႏတေားရွဉ် ဖေႏအီခမ်းလင်အတာႏ အနီးအခန်ဖုံႏသွူ။ဝွေꩻသီးကဖန်ဆင်ရွဉ်တောင်ꩻပူႏပြွစ်ꩻနောဝ်ꩻ ၁၅နုံꩻဗတွိုႏစွဉ်ႏ ၂၅နုံꩻတနေင်ႏပေႏလွုမ်ꩻသွူ။
၁၉၉၃ဗာႏ နုဲင်ႏငံႏအကိုဆဲင်ႏဖုံႏကိဉ်းအာအာနောဝ်ꩻ အစိုႏရဖုံႏ သမ်းထူႏတန်အခွဉ်တဲင်တွော့ꩻ ပွိုးတမုဲင်ꩻနဲးတဲင် ရွဉ်ရေꩻတောင်ꩻရေꩻပျဿနာႏထွာလွဉ်ဗာႏသွူ။ကထွာလွဉ်ဗာႏနောဝ်ꩻ ဆဲင်ႏကိုကွန်ႏတခြိုꩻဖုံႏ ဆေ့ꩻလွဉ်အခွဉ်ႏသမ်းအာတဲင်တွော့ꩻ လိုꩻသီးနောဝ်ꩻ ကူႏကားတခွန်ꩻနေး၊ပသာတူႏပသာတေ့ꩻနေးတွမ်ႏတရာꩻတဝင်ႏတဝ်းတဲင်တွော့ꩻ ကွန်ႏတခြိုꩻအငိုꩻကားတမွိုꩻတမာꩻထာꩻတဲင် အစိုႏရနောဝ်ꩻထိန်ꩻထွားနွောင်ꩻဒွုမ်တဲင် ကွဲညညဖြေꩻတခြိုꩻနောဝ်ꩻ ရွဉ်ယိုဒင်ႏဗာႏနေးစွဉ်ႏလေားသွူ။အဖဲ့ꩻဖဲ့ꩻအခဝ်ခဝ် အခန်ထွိုင်ႏထင်ႏငါႏတဲင် အစိုႏရꩻကျံႏစယ်ႏထိန်ꩻထွား၊ထေထန်ႏယင်းကွန်ႏတခြိုꩻဖုံႏတဲင် တလꩻနွောင်ꩻတဝ်းဒွုမ်အခေႏအနေႏတဲင် အခေႏနေႏတဲ့ညံးလွဉ်ကုဲင်လွဉ်တဲင် ကွဲညညခမ်းထီနုဲင်ႏငံႏနောဝ် လဲင်ꩻအီႏပြုဲင်ပြင်ꩻနေးတေားစွဉ်ႏသွူ။ လိုꩻဖုံႏတဲ့ အသက်မွံဗန်ခွင်ꩻဆေ့ꩻထိုꩻတဲင် ထိုꩻထန်ႏတေားနုဲင်ႏငံႏလင်သမ်းအာတဖဲ့ꩻ၊နုဲင်ႏငံႏအကိုထာꩻမာꩻသားတဲ့အတာႏဆွာꩻအတာႏ အာႏမခံႏချက်လꩻဒွုမ်တဲင် ကွဲးအနာလွို ယူဂိုဆလားဘီးယားနုဲင်ႏငံႏနောဝ်ꩻ ရွဉ်တောင်ꩻပူႏပြွစ်ထာꩻယို ဟုဲင်းမွေးစွဉ်ႏထာꩻသွူ။ ဥပမာႏ တွမ်ႏနီခမ်းနောဝ်ꩻ ခေႏနေႏနုဲင်းယိုစား စဲ့ꩻတဖဲ့ꩻ၊လိုꩻမျိုꩻရေꩻတဖဲ့ꩻ နီပအိုဝ်ႏဖုံႏဟွေး သတိꩻခါꩻမꩻ လꩻကွေးနေား။ [1]
အုံနောင်
[edit]- ↑ BASIC ECONOMICS,STUDENT'S BOOKS, Education in context