စီဒီပီ (GDP)
အစိုႏရဖုံႏတွမ်ႏ ခမ်းအာလောင်ႏလင်အစွိုꩻဖုံႏ,ပွုံႏခွိုင်ꩻUNတွမ်ႏကမ္ဘာႏဘဏ်, သွုံႏပျုGDPတဲင် ဖေႏကထီႏဗာႏနုဲင်ႏငံႏတနုဲင်ႏငံႏစီꩻပွာꩻရေꩻပြွူႏဖြိုထင်ႏထိုနုဲင်းမုဲင်ꩻဖုံႏသွူ။ကထင်ႏထိုမွိုင်ထာꩻယိုစားနောဝ်ꩻ အလွံးကိုမ်ႏနေဟောင်း။ယိုစားဖုံႏနောဝ်ꩻ အထဲ့ဖွိုႏလွေꩻနေဟောင်း။နုဲင်းဝွေꩻသီးကယွုမ်းအံႏနောဝ်ꩻတဲ့ GDPယိုထိုတသွောင်းအောဝ်ႏနောဝ်ꩻ အချံꩻသာႏသွတ်ꩻသွူတားလဲ့ GDPယိုမဥ်ႏထဲ့ဖွိုႏနောဝ်ꩻ ကေန်ꩻခြေားလွသွူ။
နုဲင်းဒျာႏလိုꩻအာဖုံႏကယွုမ်းအံႏနောဝ်ꩻတဲ့ နုဲင်းနောဝ်ꩻစားတမွေးတောဝ်းသွူ။GDPတဖူꩻရဲဥ်ႏယိုမဥ်ႏဟောဝ်မဥ်ႏယံနောဝ်ꩻ ခမ်းထီနုဲင်ႏငံႏကပြွူႏဖြိုထင်ႏထာꩻဖုံႏယို အွဥ်ႏနယ်ဖေႏေနွာင်ꩻဗာႏသွူ။GDPယိုအဒေါ့ꩻနယ်နွောင်ꩻကွို့ꩻနီလိုꩻသီး နုဲင်ႏငံႏတနုဲင်ႏငံႏအကို အမာꩻနွောင်ꩻတန်ႏဖိုꩻခွိုင်းမုဲင်ꩻဖုံႏသွူ။ယဗာႏဗာႏနောဝ်ꩻ GDPယိုတဒေါ့ꩻဖေႏနွောင်ꩻတောဝ်းနီလိုꩻသီးအကျောင်ꩻခရာႏဖုံႏသွူ။ပွိုးတမုုဲင်ꩻပါႏတမုဲင်ꩻ နဲးတဲင် နီလိုꩻသီးထာꩻလိုႏလောဘယို အထွူထိုꩻအသွတ်ꩻထိုꩻကွပ်တအောဝ်ႏတောဝ်းဒျာႏသွူ။
. သဘာႏဝသောင်ꩻရင်ꩻကဆဲင်ႏရာꩻပျဿနာႏဖုံႏယို နီလိုꩻသီးသက်လောင်းတွိုႏလင်ꩻဒါႏသွူ။
. နီလိုꩻသီးကအုံခြေင်ဗာႏအခိန်ႏယို အောဝ်ႏခွိုင်းမုဲင်ꩻက။
. ဖန်းဖြယ်စာဗာႏရွဥ်နေးမုဲင်းဟောင်း။
ကမဲဥ်ရိုꩻနောဝ်ꩻတဲ့ နုဲင်ႏငံႏမုဲင်ꩻတရိုꩻတောဝ်း ဝွေꩻသီးထာꩻထီႏထာꩻယူႏဖုံႏယို အာႏကွိုꩻဗော့ꩻGDPအလောင်းယို တလꩻလို့တောဝ်းသွူ။နီသွဥ်းသီးအောဝ်ႏထီႏထွားငါႏ အခေႏအနေႏဖုံႏ ကားကအောဝ်ႏလို့လို့ဖုံႏသွူ။ကတဲမ်းပြန်ႏထန်ႏဒါႏလိတ်အုတ်နောဝ်ꩻ လိုꩻမုသိပ္ပံလိတ်အုတ်ကိုနောဝ်ꩻသွူ။