စီꩻပွာꩻရေꩻနောဝ်ꩻတမုဲင်ꩻဟောင်း
နီလိုꩻသီးဆင်ႏဆင်ႏယူႏဒါႏစီꩻပွာꩻရေꩻယိုနောဝ်ꩻ လွꩻခရာႏငယ်ꩻခရာႏတန် ယူႏယင်းတမျိုꩻနောဝ်ꩻ ထွုမ်ႏရွဥ်စုဲင်ႏတမျိုꩻလွုမ်ꩻသွူ။
ကွဲတွော့ꩻ နီလိုꩻသီးယဟန်ႏနောဝ်ꩻ ကမ္ဘာႏလောင်းကီယို ကအောဝ်ႏအုံဒင်ႏဒါႏအသက်မွန်ဒါႏသတ္တဝါႏသီးအတာႏ ခင်ႏလမ်းမုဲင်ꩻတရိုꩻတောဝ်းဖေႏအသက်ကမွံဗန်နောဝ်ꩻ လိုꩻတွိုင်ꩻစွုမ်ႏဖြာꩻအောဝ်ႏမဲဥ်မာꩻဖေႏသွူ။
၁။ပဲက်သဲက်တွမ်ႏစီꩻပွာꩻရေꩻအကျောင်ꩻခရာႏယိုနောဝ်ꩻ နာꩻယူႏနာꩻထင်းနေးမုဲင်းဟောင်း။
စီꩻပွာꩻရေꩻနောဝ်ꩻထွာဒျာႏအကျောင်ꩻခရာႏတစွိုးတမျိုꩻဒျာႏသွူ။နုဲင်းမုဲင်ꩻစားနဲးတဲင် သꩻထာꩻလိုႏအပ်မု(need)တွမ်ႏ သꩻထာꩻမဲဥ်လꩻမု(want)ဖုံႏဒျာႏသွူ။ယိုဖုံႏအကျောင်ꩻခရာႏနောဝ်ꩻ ထွတ်ꩻထေထန်ႏမု(မာꩻထာꩻမာꩻ) ,ဖန်းဖြယ်ဖြေ့ꩻလီစာ(ဖြေꩻစာကူႏကား),တွမ်ႏ သွုံꩻအံႏသွုံꩻစွယ်ꩻ(သွုံပျုမု)ဖုံႏတစွိုးတမျိုꩻဖုံႏသွူ။စီꩻပွာꩻရေꩻပျဿနာႏယို မဥ်ႏထွားဗာႏနောဝ်ꩻအဓိကအချက်အောဝ်ႏ(၄)ချက်သွူ။
၁။အီႏထေထန်ႏဗာႏတခြိုꩻတမုဲင်ꩻစားဖုံႏ၊ တွမ်ႏထေထန်ႏဗာႏအာအာတခွိုင်းမုဲင်ꩻ။
၂။ဝွေꩻသီးထေထန်ႏဗာႏနုဲင်းမုဲင်ꩻ။
၃။ပုဂ္ဂိုလ်ႏမုဲင်ꩻဖုံႏ အီႏလက်ခံႏထူႏဆွုမ်ႏဟောင်း။
၄။အနီꩻအရင်ꩻတန်ႏဖိုꩻလို့တခွိုင်းမုဲင်ꩻဟောင်း။
ကမဲဥ်ဖေႏသေနောဝ်ꩻတဲ့ လိုꩻခမ်းလောကစီꩻပွာꩻရေꩻအကျောင်ꩻခရာႏဖုံႏယို အပရိယာယ်ႏအာငါႏတန်တဲင် နီလိုꩻသီးလိုႏသေထွိုက်သေသင်ꩻမွေးစွဥ်ႏထာꩻသွူ။
ကတဲမ်းပြန်ႏထန်ႏလိတ်အုတ်နောဝ်ꩻ BASIC ECONOMIC ,Student `s Book