စီꩻပွာꩻရေꩻယီးမိုးကိရိယာႏ

စီꩻပွာꩻရေꩻယီးမိုးကိရိယာႏနောဝ်ꩻ နုဲင်ႏငံႏတနုဲင်ႏငံႏတွမ်ႏစီꩻပွာꩻရေꩻစနစ်တဗာႏကတဲက်ထွားဒါႏအနယ်ꩻတဖူꩻဖုံႏတဲ့ တဗွိုန်တောဝ်းလို့ဝင်ꩻသွူ။ဝွေꩻသီးကဖေႏဒါႏအချက်အဗာႏအကျောင်ꩻခရာႏဖုံႏနောဝ်ꩻတဲ့ ထွာဒျာႏနုဲင်ႏငံႏအတာႏ ခြွေခြာႏတားလဲ့ကေန်ꩻခြေားနုဲင်းမုဲင်ꩻဒျာႏသွူ။စီꩻပွာꩻရေꩻယိုထင်ႏထိုမွိုင်နုဲင်းမုဲင်ꩻစား တားလဲ့ အထဲ့ဖွိုႏမွိုင်ချာနုဲင်းမုဲင်ꩻစားဖုံႏသွူ။စီꩻပွာꩻရေꩻယီးမိုးကိရိယာႏတဲ့ဝွေꩻသီးကသွုံꩻဒါႏနောဝ်ꩻ ထွာဒျာႏနုဲင်ႏငံႏတနုဲင်ႏငံႏအကို နီလိုꩻသီးအုံအောဝ်ႏမုပွုံႏစံႏဖုံႏဒျာႏသွူ။

ထွတ်ထေထန်ႏလွေꩻ

စီꩻပွာꩻရေꩻလောကကိုယို ထွတ်ထေထန်ႏလွေꩻနွောင်ꩻ တခြိုꩻဥစ္စာႏအာတတွာခွိုင်းမုဲင်ꩻဟောင်း။မာꩻနွောင်ꩻထေနွောင်ꩻအလွိုအလာအဝ်ႏနေဟောင်း။ထွတ်ထေထန်ႏလွေꩻကရိုꩻယို နီလိုꩻသီးထာꩻယူႏထာꩻစွေးကတူႏကိုယိုနောဝ်ꩻတဲ့ ကုမ္မဏီႏအကျောင်ꩻခရာႏ ကထေထန်ႏဒါႏနဝ်ꩻစားသွူ။ကွဲးတဲင်တွော့ꩻ ထေထန်ႏကွန်ႏတခြိုꩻနဝ်ꩻ ကုမ္မဏီႏမꩻတမွေးတဝ်း အလင်တဲ့အဝ်ႏဗောႏထာꩻသွူ။

ဟံႏကြွန်ꩻ

ကထွတ်ထေထန်ႏလွေꩻအကို နီကအုံဒင်ႏဒါႏဟံႏတန်ပထဝီႏကြွန်ꩻယိုတဲ့ အရေꩻတန်ငါႏနေနေသွူ။နုဲင်းဟံႏကြွန်ꩻယိုနောဝ်ꩻ သဘာႏဝသောင်ရင်ꩻအနီꩻအရင်ꩻ သယံဇာတတခြိုꩻဖုံႏကားကအဝ်ႏဒင်ႏဒါႏဟံႏလောင်းနဝ်ꩻ ပါလို့လို့ဒျာႏသွူ။အဗော့ꩻသွတ်ꩻမဉ်ႏအွဉ်ႏနယ်ဗာႏနောဝ်ꩻ တခြိုꩻတန်သေင်ႏတန်၊ထီခြောင်ဖုံႏ၊ထီနောင်ဖုံႏ၊ခြောႏ(သတ္ထု)၊ခံꩻသဲင်ꩻပတ္တမျာꩻ၊လမန်ꩻကာꩻတာႏ၊စက်ခြွိုင်းခြိုꩻတာႏဖုံႏသွူ။

ထာꩻမာꩻသား

ပွိုးထမုဲင်ꩻဟောင်း ထာꩻမာꩻသားတဲ့ မွော့ရိုꩻဗာႏတွိုး ထွတ်ထေန်ထန်ႏလွေꩻသားဟောင်း။ယိုဖုံႏနောဝ်ꩻ ကထွာဒါႏထာꩻမာꩻဖုံႏကားကအဝ်ႏလို့လို့နောဝ်ꩻ၊ထာꩻမာꩻကထွူဗာႏကားကအဝ်ႏတဲ့နောဝ်ꩻ၊ကွန်ႏတခြိုꩻဖုံႏတွမ်ႏအခွဉ်ႏထေင်းထမ်ႏခꩻတဲ့နောဝ်ꩻ ထာꩻမာꩻသားဖုံႏယို အဝ်ႏထေထန်ႏဖေႏ အနီꩻအရင်ꩻသွူ။ထာꩻမာꩻကထေထန်ႏဖေႏကွန်ႏတခြိုꩻနောဝ်ꩻ ဗွူကုလာꩻ၊ဟူဖုံႏ၊အံႏအွꩻဆို့ꩻရုဲင်ရေꩻဖုံႏ၊လွူးမွီႏရေꩻဖုံႏသွူ။

ခမ်းထီနုဲင်ႏငံႏ

ခမ်းထီုနုဲင်ႏငံႏယိုက ထေထန်ႏလွေꩻဖေႏတမုဲင်ꩻဟောင်း။ရွဉ်ခံꩻဥစ္စာႏဖုံႏ၊တခြိုꩻဖုံႏ ကအီႏသွုံꩻလွေꩻ ထေင်းထမ်ႏခꩻဖုံႏ၊ထေထန်ႏယင်းကွန်ႏတခြိုꩻဖုံႏယို ခမ်းထီနုဲင်ႏငံႏနောဝ်ꩻ သွုံꩻအီတာထေထန်ႏလွေꩻဖေႏနောဝ်ꩻစားသွူ။

ကတဲမ်းပြန်ႏလိတ်