ညောင်ꩻတခေးသွုန်(latitude
ဝွေꩻသီးယိုနောဝ်ꩻတဲ့ ထွာဒျာႏ သꩻယူႏနေးစိက္ကူꩻနေးဒျာႏ ကအဝ်ႏတပန်ႏကမ္ဘာႏအလိမ်ꩻဖုံႏနောဝ်ꩻသွူ။ဝွေꩻသီးယိုနဝ်တဲ့ အသေႏချာႏသွတ်ꩻတဲ့တအဝ်ႏတဝ်း ကွဲတွော့ သိပ္ပံပညာႏသျင်ႏသီး ဒေါ့ꩻအလꩻတွက်နေးနဝ်ꩻတဲ့ ဝွေꩻသီးနဝ်ꩻအဝ်ႏထွိုက်ဒျာႏတဲ့ နီလိုꩻသီးကအဝ်ႏသွုံꩻဒါႏညောင်ႏတခေးသွုန်နောဝ်ꩻ ဇာႏတိရပ်ရာႏဖုံႏ၊ခင်ႏလမ်ႏအုံအဝ်ႏဖုံႏ ကအဝ်ႏဒင်ႏဒါႏဟံႏတန်ပထဝီႏလောင်းသွူ။ ကအဝ်ႏကဲစ်ꩻဒါႏသီးယို ဝွေꩻသီးဟဲ့ꩻနဝ်ꩻတဲ့ ညောင်ꩻတခေးသွုန်နဝ်ꩻသွူ။ဝွေꩻသီးကအဝ်ႏတပန်ႏလိမ်ꩻနဝ်ꩻတဲ့ အဝ်ႏဆꩻကွဉ်ႏတွမ်ႏဆꩻတွို့ꩻဖဲ့ꩻအရပ်သွူ။ကအဝ်ႏတဝွိုန်ꩻဒါႏအလောင်းအလင်ꩻတဲ့ ထွာဒျာႏညောင်ꩻတခေးသွုန်ဒျာႏနေနေတဲင် အကွာႏလို့ဝင်ꩻနေနေသွူ။ညောင်ꩻတခေးသွုန်ခွယ်ꩻနေးပွုံႏစံႏတဲ့ ဒီဂရီနေးစားဒျာႏသွူ။အွိုးကမ္ဘာႏတဝွိုန်ꩻအကိုသူꩻကအဝ်ႏဒါႏညောင်ꩻတခေးသွုန်နဝ်ꩻ သိပ္ပံႏသီးဟဲ့ꩻ အီကွေတာသွူ။နဝ်ꩻစားနဝ်ꩻအဝ်ႏ ၀သုညဒီဂရီညောင်ꩻတခေးသွုန်သွူ။ ဒီဂရီကလွေꩻနဝ်ꩻတဲ့ ဆꩻနောဝ်ဖဲ့ꩻတွမ်ႏဆꩻထင်ꩻဖဲ့ꩻတဲင် အီကွေတာတဲ့အောဝ်ႏ ၀သုညဒီဂရီ ဗꩻ၉၀ဒီဂရီသွူ။၉၀ဒီဂရီဆꩻနောဝ်ဖဲ့ꩻနောဝ်ꩻ ဟဲ့ꩻဒျာႏဆꩻနောဝ်အကြဲင်ႏမော့သွူ။၉၀ဒီဂရီဆꩻထင်ꩻဖဲ့ꩻနောဝ်ꩻ ထွာဒျာႏဆꩻထင်ꩻအကြဲင်ႏမော့သွူ။ [1]
အုံနောင်[edit]
- ↑ An Introduction to SOCIAL SCIENCES,STUDENTS BOOK,