တဲမ်းအနယ်ꩻပညာႏလိတ် အွောန်ႏနယ်ထာꩻ

တဲမ်းအနယ်ꩻပညာႏလိတ် ဝီကီတက္ကသိုလ်ႏကို လယ်ႏထွုမ်ႏထွား တခြိုꩻဖုံႏ အရီးသွတ်ꩻပထမအပဲင်ꩻ သုတေသနမာꩻအီ ဒင်ႏဆွုပ်အီအတာႏဘာႏသာႏတဗာႏယို ကဆဲင်ႏရာꩻအကျောင်ꩻခရာႏဖုံႏယို ထွာဒျာႏလယ်ႏထွုမ်ႏထွားအီနခြိုꩻဖုံႏဒျာႏသွူ။ ခွုမ်စံႏထဲ့မဲန်ႏအီတခြိုꩻဖုံႏနောဝ်ꩻ တွမ်ႏအဲန်တာနဲက်တဲင် လယ်ႏထွုမ်ႏထွားအီစက်ခြွိုင်းခြိုꩻ အဲန်ဂျင်ဖုံႏ၊ဒေႏသဆဲင်ႏရာꩻထွားလိတ်တွိုက်ဖုံႏတဲင် နုဲင်းယိုစားဖုံႏနဝ်ꩻ ထွာဒျာႏခြွိုင်းခြိုꩻအယံသွတ်ꩻလယ်ႏထွုမ်ႏထွားအီ ဘာႏသာႏတဗာႏအကျောင်ꩻခရာႏဖတ်ထွားအီ သမဲင်ꩻဆꩻချာဖုံႏနဝ်ꩻ ဟဝ်ကျမွေးထာꩻငါႏ။ ဝီကီပီဒီးယား [http://www.wikipedia.org Wikipedia] နောဝ်ꩻ ထွာဒျာႏအဆုံးယော့သွတ်ꩻဟော်ꩻလိတ်အတာႏ အယံသွတ်ꩻအဟဝ်သွတ်ꩻ အရွီးအခိုႏတဗာႏဒျာႏသွူ။ ကွုန်ႏသယ်ႏဂျာနယ်ဖုံႏ ခွုမ်စံႏသွုံꩻအီအကျသွတ်ꩻခြွိုင်းခြိုꩻကိရိယာႏတဗာႏနဝ်ꩻ အဆုဲင်ꩻသွတ်ꩻကထန်ႏပေါႏလွဉ်ဒါႏအချက်အဗာႏထွုမ်ႏထွားအီတာႏနဝ်ꩻ ထွာဒျာႏကွုန်ႏသယ်ႏမုဆဲင်ႏရာꩻခေါခေါရွမ်ဖြုဲင်ꩻဒျာႏသွူ။ လွိုက်ရွေꩻစဲစ်ထန်ႏထေတခြိုꩻဖုံႏ နီထွုမ်ႏထွားမော့ꩻသွူတခြိုꩻဖုံႏနောဝ်ꩻ တလဲင်ႏချင်ꩻနဝ်ꩻဖုံႏယို လွိုက်ရွေꩻထေထန်ႏစဲစ်ထိုꩻအရေꩻတန်ငါႏသွူ။ရေႏရွယ်ႏချက်ကစဲစ်ထေထန်ႏထိုꩻဗာႏအကျောင်ꩻခရာႏဖုံႏယို အီႏစွဲးကမ်းပင်ႏထိုကိုအတာႏနီဒင်ႏပျနယ်ဖုံႏကထွာဒါႏအရေꩻကီꩻငါႏအချက်အဗာႏဖုံႏတွမ်ႏအပေႏသွတ်ꩻအမော့အစျꩻအချက်အဗာႏဖုံႏယို ခွဲထေထန်ႏခေါခေါစားသွူ။ ကွပ်စဲစ်ထေထန်ႏတဲင် နီကဒင်ႏဆက်မုဖုံႏကထွာဒျာႏ အုံကွိုꩻအုံနောင်ကျမ်ꩻလိတ်စောင်ႏဖုံႏ၊စာႏရင်ꩻအကွက်ဖုံႏတွမ်ႏအထွာဇာတ်ရဲန်ႏငဝ်းခြုဲင်းဖုံႏယို အဝ်ႏဖေႏနဝ်ꩻစားသွူ။ သေသွော့သီဘာႏသာႏအကျောင်ꩻခရာႏ တထွို့ꩻငင်ႏနွောင်ꩻတဝ်းလိုꩻဖုံႏ၊အဆင်ႏတပြေႏတဝ်းဖုံႏနဝ်ꩻ နီကဒင်ႏပျနယ်ဒါႏအကျောင်ꩻခရာႏယိုဖုံႏနဝ်ꩻ ဆဲစ်ဆဲစ်နဲစ်နဲစ်ကွပ်တသေတဝ်းတဲင်တွော့ ဝင်ꩻသဝင်ႏစာꩻအီတလꩻတဝ်းသွူ။ဒင်ႏဆက်မုတဗာႏယို အဗွိုန်ပီတွမ်ႏထီခယ်ꩻကောင်ဆꩻကီဖဲ့ꩻတဲင် နီကဒင်ႏဆက်နဝ်ꩻဆꩻချာတဲ့ နီတွမ်ႏနီနမ်းတဲ့ ထာꩻသေဗဟုသုတလိုႏအဝ်ႏအာအာခါꩻဗာႏသွူ။ တဲမ်းအနယ်ꩻပညာႏလိတ် ဝီကီတက္ကသိုလ်ႏကို သေသွော့သီပရိသတ်လိုꩻအာ ပေါႏမဉ်ႏသေပရိသတ်လိုꩻအာနဝ်ꩻ နီကဒင်ႏဆက်အကျောင်ꩻခရာႏဖုံႏယို အကျိုꩻတွိုႏသꩻအီ၊အကျိုꩻအဝ်ႏအာအီတဲင် လိုႏသေငါႏပရိသတ်သီးနဝ်ꩻ အရေꩻကီꩻငါႏသွူ။ ယိုကိုအကွာႏနဝ်ꩻတဲ့ နီထာꩻမာꩻသွꩻခွꩻမိတ်ဆွေႏတွမ်ႏကဒေါ့ꩻဖြဝ်ႏမုဖုံႏယို အရေꩻတန်ငါႏစီႏမံႏဖန်းဖြယ်သားတွမ်ႏဒေါ့ꩻဖြဝ်ႏငဝ်းသားကရိုꩻနဝ်ꩻသွူ။ ကလိုႏအပ်အရေꩻကီꩻနဝ်ꩻ တွမ်ႏပရိသတ်သီးဖေႏကထွာအကူႏညီႏတဲင် ကသွုံꩻဒါႏတခြိုꩻဖုံႏယိုဖေႏကတနꩻလို့ဝင်ꩻနဝ်ꩻ လိုႏဖျင်ဆင်ငါႏသွူ။ သေသွော့သီတွမ်ႏသီအကျောင်ꩻ လိုꩻသီးကိဉ်းအာနဝ်ꩻ ဝွေꩻသီးတွမ်ႏဝွေꩻသီးနမ်းယို ယွုမ်းအံႏမုမဥ်ႏအဝ်ႏမꩻ ကွပ်နဝ်မတဲင်သီအတာႏအဆင်ႏပြေႏအီဒါႏ စနစ်တဗာႏအဝ်ႏခါꩻနဝ်ꩻ လိုႏအပ်ငါႏသွူ။ သီပေါႏမဉ်ထွာဒင်ႏဆက်သား ခွꩻခွꩻသꩻသꩻနဝ်ꩻတဲ့ ဒင်ႏဆက်ဖေႏအခရာႏဖုံႏယို ပယွုမ်းငပျောႏသွင်ႏသား၊လောႏလောႏမွိုင်ကြွိုင်သား ဖေႏကထွာနဝ်ꩻလိုႏကျိုꩻစာꩻမာꩻတဝ်းသွူ။ ပရိသတ်သီးနဝ်ꩻ မဉ်ႏတယွုမ်းနွောင်ꩻတဝ်းသီအထီအသွီႏစွန်ꩻအာႏဖုံႏယိုနဝ်ꩻ ကဒင်ႏပျနယ်ဒါႏအချက်အဗာႏဖုံႏနဝ်ꩻတဲ့ အီႏယွုမ်းနွောင်ꩻဗာႏနဝ်ꩻလဲ့ တထွာတဝ်းသွူ။ သေသွော့ဒင်ႏပျနယ်အကျောင်ꩻ ခါးလားကဒင်ႏပျနယ်မုနဝ်ꩻ မာꩻစံꩻဗာႏရီး၊ဒေါ့ꩻစံꩻဗာႏရီး သဖော်ꩻအလဲင်ႏအခြွိုက် ဖေႏကကေႏလယ်ႏနဝ်ꩻသွူ။ အရေꩻကီꩻသွတ်ꩻအွဉ်ႏသတိꩻသေခါꩻဗာႏနဝ်ꩻ အခိန်ႏအခါႏတွမ်ႏထာꩻထီႏအာႏရွုံႏဖုံႏအစွဲးအကမ်းဖုံႏနဝ်ꩻသွူ။ နီကသွဉ်မာꩻစံꩻခါꩻနုဲင်းယိုနဝ်ꩻ ကဒင်ႏပျနယ်အီအတာႏယွုမ်းအံႏမုပေါင်းအဝ်ႏအာ ယိန်းတလာလာထဲင်းသွူ။အယံသွတ်ꩻတဗာႏ ဖျင်ဆင်သွဉ်မာꩻစံႏခါꩻနဝ်ꩻတဲ့ ဖွီဖွီထင်ထင်သꩻဝင်ႏစာꩻခရာႏထွာဒင်ႏဆက်မုတဗာႏသွူ။ ဇာတ်တွယ်ꩻစူယီး နောဝ်ꩻစားဖုံႏကလိုႏအပ်ဒါႏ ဇာတ်တွယ်ꩻစူယီးတပုဒ်နဝ်ꩻ ဝင်ꩻသꩻခရာႏဝင်ꩻတမွေးတဝ်းသွူ။ အရေꩻကီꩻငါႏအခရာႏနဝ်ꩻတဲ့ သတိယူႏလꩻသွော့ကသွုံꩻဒါႏဇာတ်တွယ်ꩻစူယီးယို ရိုꩻရိုꩻယိုꩻယိုꩻသျင်ꩻသျင်ꩻပေႏတွော့ꩻ ဟော်ꩻဖတ်လꩻနဝ်ꩻစား မွေးတဝ်းသွူ။ ဇာတ်တွယ်ꩻစူယီးယို ပေါႏထွာအယံသွတ်ꩻသွုံꩻကျသွူသꩻတဲ့တထွူးခရာႏဖုံႏ၊သတဖုံႏခရာႏဖုံႏနဝ်ꩻ အယံသွတ်ꩻဒင်ႏဆက်မုထွာသွူ။ အယံသွတ်ꩻထာꩻသေတရာꩻ၊ထာꩻယူႏဖုံႏအဝ်ႏနဝ်ꩻ အကူႏညီႏစွဲးကမ်းတဗာႏယိုကမဲန်ပျနယ်ဒါႏ အုံနောင်ကျမ်ꩻလိတ်စောင်ႏဖုံႏ၊စာႏရင်ꩻအချက်အဗာႏဖုံႏတွမ်ႏ ဒင်ႏဆက်မုအတာႏအဓိကအချက်အဗာႏဖုံႏနဝ်ꩻလဲ့ အပွုံႏစံႏမတ်စုနဝ်ꩻစားလဲ့ အဝ်ႏခါꩻဗာႏသွူ။ ဒင်ႏဆက်မုအဓိကသဖော်ꩻတရာꩻလိတ်မဲ့ငါအဝ်ႏခါꩻ ၂တားလဲ့ ၃မဲ့ငါယိုနဝ်ꩻ ထွာအရဲးဖေႏသျုတ်သျက်တရေင်ထာꩻဖုံႏ ယဟန်ႏဖေႏနဝ်ꩻသွူ။ ကဒေါ့ꩻဒါႏသားနောဝ်ꩻတဲ့ တဲမ်းခါꩻမတ်ခါꩻနေးတွမ်ႏမတ်စုတပါတဝ်းလဲ့ ဒင်ႏဆက်မုယိုတဲ့ဖေႏနွောင်ꩻဒင်ႏနွောင်ꩻဒျာႏသွူ။ သွဉ်ထူႏမုအတာႏအစွဲးအကမ်းထွာအီဇာတ်တွယ်ꩻ နုဲင်းနဝ်ꩻစားထာꩻထီႏထာꩻယူႏအစွဲးအကမ်းဖုံႏယို သွုံꩻစံႏနဝ်ꩻစားတဲ့ ဝွေꩻသီးယိုအွဉ်ႏစနစ်ထဲ့ထဲ့မဲန်ႏနေးနဝ်ꩻ အရေꩻကီꩻငါႏသွူ။မဉ်ႏသွုံꩻခွုမ်စံႏလွေꩻ ဆꩻကီအထိုပရိုဂျက်တာနဝ်ꩻကိဉ်းအာနဝ်ꩻစားမဲန်ႏငါႏသွူ။ ဒင်ႏဆက်မုအတာႏတဲ့ ပါဝါပွိုင့်ယိုသွုံꩻစံႏခွုမ်လွေꩻနဝ်ꩻ အရောင်ႏကထောင်ႏနဝ်ꩻဖုံႏယို ရော့ꩻရာꩻခင်ႏလမ်းအကိုအွဉ်ႏသွော့နဝ်ꩻစား။ အွဉ်ႏထွော့အစီႏအစဲန်ႏ ကအွဉ်ႏထွော့ခါꩻအခိန်ႏဖုံႏယို တပန်ႏချာငါထွူတွော့ꩻသီအတာႏ ကားကအဝ်ႏလို့လို့စင်အခရာႏသေႏချာႏအဝ်ႏအထွူကရိုꩻနဝ်ꩻ တွမ်ႏမောင်ꩻကော့ꩻမွော့နေား။ ဆွုပ်မိတ်ဒင်ႏဆက်ပွယ်ꩻ ခါးလားကမာꩻနဝ်ꩻ အဆေ့ꩻသွတ်ꩻမိနစ် ၃၀ယိုလွဉ်ရီးသွော့သေႏသေႏနေား။ ယိုနဝ်ꩻတဲ့အဖေႏဒျာႏသီအခိန်ႏအတာႏ အနယ်ꩻပညာႏဖဲ့ꩻဆဲင်ႏရာꩻကထွာဒါႏ အစီႏစဲန်ႏဒင်ႏဆက်အီတခြိုꩻဖုံႏနဝ်ꩻသွူ။ဥပမာႏ လဲပ်တော့စူနိပ်အီပရောဂျက်တာအတာႏ၊ဟဲ့ꩻအီဒေါ့ꩻအီဖုန်းဖုံႏစစွဉ်ႏနဝ်ꩻစား။ သီတွမ်ႏသီဖေႏအခိိန်ႏအာအာကရိုꩻနဝ်ꩻ သကျိုက်ရာꩻခင်ႏလမ်းမုဲင်ꩻကို အွောန်ႏထွော့နွောင်ꩻဒျာႏတဲင် သီဒင်ႏဆက်မုတဗာႏလိုမ်းယို အဆုဲင်ꩻသွတ်ꩻယင်းတလဲင်ႏမဉ်ႏမာꩻနဝ်ꩻ ခွုမ်စံႏမာꩻနွောင်ꩻယိုꩻယိုꩻပေႏသွူ။ အရီးသွတ်ꩻပထမထာꩻထီႏဖုံႏ Template:အနယ်ꩻပညာႏဆဲင်ႏရာꩻ အတဲမ်းအမုဲင် အရေꩻကီꩻငါႏအဝ်ႏမထွာဒါႏသီပရိသတ်ယို အွဉ်ႏဗော့ꩻဗော့ꩻဗွိုန်ဗွိုန်သွော့ꩻတွမ်ႏသီနေား။အရီးသွတ်ပထမကဖန်ဆင်အယံသွတ်ꩻထာꩻထီႏထာꩻယူႏဖုံႏနဝ်ꩻ အကူႏညီႏသီထာꩻမာꩻယိုစားသွူ။ ပရိသတ်သီးနောဝ်ꩻ အကျိုက်သꩻလိုꩻတဖြာꩻဒေါ့ꩻဖြဝ်ႏထာꩻယိုမွေးဒျာႏ ကွဲတွော့ꩻ မဉ်ႏကွဉ်ကꩻတဲပ်တဲပ်ယံယံကြောင်းကြောင်းနဝ်ꩻ ကယိန်းကျိုက်သꩻနာႏသွူ။နီခတ်ကယ်ꩻရီးပရိသတ်သီးအလောင်းနဝ်ꩻ နီကွဉ်ကꩻရာꩻကရော့ꩻဒါႏအပွုံႏစံႏမုဲင်ꩻယိုနဝ်ꩻ ကူႏညီႏနီသွူတဲင် လဲ့ꩻညာꩻထိုꩻဖေႏလုဲင်ႏ နီကဖေႏသေဒါႏပရိသတ်သီးအချက်အဗာႏယို အမဉ်ႏဗာႏဆာနွောင်ꩻဒါႏဝွေꩻသီးလိတ်ယာႏဖုံႏနဝ်ꩻသွူ။ ကဒင်ႏဆက်မုယို မဲ့ဖြုံႏယိုအွဉ်ႏတလူႏတောက်ꩻထွားသွော့ꩻ တွမ်ႏပရိသတ်နေား။နဝ်စားသီမဉ်ႏဒေါ့ꩻသွူငေါဝ်းရာႏပရိသတ်လိုꩻအာဆငါဖုံႏနဝ်ꩻ ထွူႏထွူႏတွုမ်တွုမ်ကနွို့ꩻသော့ꩻနားကိုသား ဝင်ꩻသွံရပ်ယိုထွုမ်ႏထွားထွူတဲင် ခင်ႏလမ်းအအာထွောင်းအကိုအုံထွူတဲင် အွဉ်ႏရေꩻထွားသွော့ꩻလိုꩻနဝ်ꩻစားသွူ။ယိုစားနဝ်ꩻ လိုꩻလင်ယဟန်ႏဖုံႏ အဝ်ႏဒျာႏကရိုꩻလဲ့ အွဉ်ႏဖေင်ꩻထိုꩻထွူတွော့ꩻ သီတွမ်ႏသီယွုမ်းအံႏမုတဲ့ကယိန်းအဝ်ႏအာလွဉ်ထဲင်းသွူ။မဲ့ဖြုံႏချင်ꩻတလူႏတောႏလို့ဝင်ꩻယို သꩻရွူꩻရာꩻထာꩻဖုံႏ၊လိုꩻအမျာꩻအာဆꩻငါ သꩻကွင်သျုတ်တရေင်ꩻထာꩻဖုံႏယို ထွားသွော့ပရိသတ်သီးကတောင်ထွူတဲင် ယိုစားနဝ်ꩻမတ်ခါꩻအီအတာႏ ထွာတဗန်ႏအီအကွက်သွူ။သီတထွားနွောင်ꩻတဝ်း၊တမာꩻနွောင်ꩻတဝ်းမဲ့ဖြုံႏအဗွေတဗာႏလဲ့ မဲ့တထဲင်းယိပ်ꩻထွားလို့လို့နဝ်ꩻ ဝွေꩻသီးထင်ႏတဲ့ အလွိုးအဝ်ႏထွားဝွေꩻသီးနဝ်ꩻစားသွူ။အရေꩻကီꩻသွတ်ꩻတဲးတဲ့ ယွုမ်းအံႏမုအဝ်ႏသွော့။နမ်းရုဲင်ꩻတသွိုးမုဖုံႏ၊ပယွုမ်းဖုံႏ၊အငဝ်းထင်ႏလင်ꩻဖုံႏတဖဲ့ꩻတခဝ်ဖုံႏယိုနဝ်ꩻ ထွာအီယွုမ်းအံႏမုလွဉ်းလွဉ်းသွူ။ တထင်းတဝ်းတွော့အထွာအာႏဒါႏ တထင်းတဝ်းကထွာလွဉ်ဒါႏ အယပ်ꩻအခုဲင်ႏဖုံႏကရိုꩻနဝ်ꩻ ဖျင်ဆင်သုတေသနယို ဗွေလွံးစွုမ်ႏတဝ်း၊ ဖျင်ဆင်မုအညံးထိုꩻ၊အသစ်ꩻထိုꩻဖုံႏ၊ တဆဲင်ႏတဝ်း၊ထွားတရော့ꩻဗွိုန်တဝ်းပွုံႏဖုံႏ၊ တွမ်ႏအနယ်ꩻပညာႏအကူႏညီႏစွဲးကမ်းအလောင်းယို အာႏကွိုꩻအုံနောင်မုဖုံႏ၊ အယံသွတ်ꩻ၊အဟဝ်သွတ်ꩻယိုကျိုꩻစာꩻသွော့။ ဟော်ꩻထွားအီအတာႏ အစွဲးအကမ်း Steps to an Effective Presentation Business Presentations Rule of Three Public Speaking back to Technical Writing Level 2 တဲမ်းအနယ်ꩻပညာႏလိတ် ဝီကီတက္ကသိုလ်ႏကို