ထာꩻအောဝ်ႏလိုႏတွမ်ႏ ထာꩻမဲဉ်လꩻ
ကမ္ဘာႏဟံႏတန်အလောင်းကီ ခေတ်ဟန်ႏသနီနောဝ်ꩻ နီလိုꩻသီးကျုံႏခွဲဗာႏတဗွိုန်တောဝ်းလို့ဝင်ꩻသွူ။နီလိုꩻသီးယဟန်ႏဟန်ႏနောဝ်ꩻ တမုဲင်ꩻမုဲင်ꩻဖုံႏယိုအောဝ်ႏဒျာႏ ကွဲတွော့ꩻယဟန်ႏဟန်ႏအလင်သားနောဝ်ꩻ တမုဲင်ꩻမုဲင်ꩻဖုံႏတအောဝ်ႏတောဝ်းသွူ။ထွာလွဥ်ယိုစားနောဝ်ꩻ စီꩻပွာꩻရေꩻလောကကိုဝင်ꩻဟဲ့ꩻဒျာႏ ချံꩻသာႏခြွေခြာႏမုတရာꩻညီႏဗွိုန်တောဝ်းလို့ဝင်ꩻသွူ။နီလိုꩻသီးအအာသွတ်ꩻနောဝ်ꩻ အခေႏခံႏထာꩻအောဝ်ႏလိုႏဒါႏအံႏအွꩻတာႏဖုံႏယို စွုမ်ႏနီꩻစွုမ်ႏနေင်ႏအောဝ်ႏထွုမ်ႏကျံႏယပ်ယပ်ခုဲင်ႏခုဲင်ႏဗာႏသွူ။ဥပမာႏ-အဒီႏအရာႏ၊ထီဖုံႏ ပါတွမ်ႏခင်ႏလမ်းအုံဖုံႏသွူ။ အဗော့ꩻသွတ်ꩻ ၁၁ မီလီယန်လိုꩻပေႏဖုံႏနောဝ်ꩻ အသက်တတွိုႏတောဝ်းဒွိုန်းကလွူးဖွာꩻထွူ ၁၅ နေင်ႏမာꩻချာနောဝ်ꩻ အသီထိုꩻဒျာႏကဲဥ်းအာအာနောဝ်ꩻ ပွိုးတမုဲင်ꩻနဲးတဲင် နီလိုꩻသီးထာꩻမဲဥ်လꩻနောဝ်ꩻကွပ်အာငါႏတဲင် ဆင်ꩻရယ်ꩻကေန်ꩻခြေားဗာႏထာꩻဒျာႏသွူ။
၈၀၀ မီလီယန်ရပ်နောဝ်ꩻတဲ့ နီလိုꩻသီးအောဝ်ႏကျုံႏဗာႏအကုဲင်ဖဲ့ꩻကထွာဒါႏ စွုမ်ႏနီꩻနီꩻဟို့ꩻခိုးဟို့ꩻလျားဖုံႏသွူ။ကွဲးတွော့ꩻနီလိုꩻသီးယို ထာꩻမဥ်လꩻသꩻယိုတဆင်ႏဆင်ႏမဲဥ်လꩻအာ မဲဥ်လꩻလွို ကွပ်အခေႏခံႏလွေꩻတွမ်ႏထာꩻလိုႏသွူ။နီလိုꩻသီးအအာသွတ်ꩻနောဝ်ꩻအမဲဥ်လꩻအယံသွတ်ꩻစား ကွဥ်ကꩻဆဲင်ꩻခွမ်ꩻလာꩻတဲ့နောဝ်ꩻ၊လမ်းတွိုက်လမ်းဟောဝ်တဲ့နောဝ်ꩻ၊ကာꩻယံကာꩻတသာ၊တီပီဖုံႏ သီးကရဲတ်ယာလိတ်အယံတွမ်ႏ အလင်ဖုံႏအာအာသွူ။
ကမဲဥ်ဖေႏသေငါႏနောဝ်ꩻတဲ့ နီလိုꩻသီးသဘာႏဝယိုကယိန်းအောဝ်ႏထွူလဲဥ်းတဲ့ ကယိန်းမဲဥ်လꩻသမ်းသမ်းယင်းဒျာႏသွူ။ထာꩻလိုႏတွမ်ႏထာꩻမဲဥ်လꩻယို ထွိုင်ႏတငီႏတောဝ်းတဲင် ကေန်ꩻတွမ်ႏခြွေခြာႏမုယို တဗွိုန်တောဝ်းလို့ဝင်ꩻသွူ။[1]
အုံနောင်
[edit]- ↑ ကတဲမ်းပြန်ႏဘာႏသာႏနောဝ်ꩻ အခေႏခံႏစီꩻပွာꩻရေꩻလိတ်အုတ်ကို အခန်ꩻ၂ (Needs and, Wants)