ဒေါ့ꩻဖြောဝ်ႏထာꩻလိုꩻအာဆꩻငါ
–ဒေါ့ꩻဖြောဝ်ႏထာꩻလိုꩻအာဆꩻငါယို နုဲင်းမုဲင်ꩻစားဟောင်း။ –မဥ်ႏဒေါ့ꩻသွူလိုꩻအာဆꩻငါနောဝ်ꩻ အခိန်ႏမုဲင်ꩻ တားလဲ့အောဝ်ႏလိုႏမာꩻဗာႏနုဲင်းမုဲင်ꩻဟောင်း။ ဒေါ့ꩻဖြောဝ်ႏထာꩻလိုꩻအာဆꩻငါနောဝ်ꩻထွာအနယ်ယံစနစ်ပွုံႏစံႏ ဆွိုက်သံႏရေꩻတဗာႏဒျာႏသွူ။ကဲဥ်းအာအာကပါနွို့ငီꩻနောဝ်ꩻ တဖြာꩻစီႏတားလဲ့တွမ်ႏအစွိုꩻပေႏဖုံႏအောဝ်ႏနောဝ်ꩻထွူ တွမ်ႏပရိသတ်လိုꩻအာအတန်စားသွူ။ကအီႏဒေါ့ꩻဒါႏငေါဝ်းယို အွဥ်ႏထွော့ꩻဗာႏအခိန်ႏတွမ်ႏ ခင်ႏလမ်းဒေႏသသွူ။ကဲဥ်းအာအာရေႏရွယ်ႏချက်နောဝ်ꩻတဲ့ အကျောင်ꩻခရာႏတဗာႏဗာႏတားလဲ့တဗာႏ၊ဖေႏထာꩻသေပညာႏတားလဲ့ထာꩻထီႏသဖော်ꩻတရာꩻ ဒေါ့ꩻနယ်ခြုဲင်းနယ်ဖုံႏနောဝ်ꩻစားသွူ။နီကအီႏဒေါ့ꩻဒါႏငေါဝ်းယို ထွို့ꩻစီႏစဲဥ်ႏခါꩻဗာႏနေားအချက်(၃)ချက်နောဝ်ꩻသွူ။အချက်ယိုဖုံႏနောဝ်ꩻတဲ့ သျင်ꩻတလျင်ꩻဗာႏ>ငေါဝ်းတယ်ႏအွဥ်အစ(နိဒါန်း),အဓိကအချက်လိတ်အကို,တွမ်ႏလိတ်အဆုဲင်ꩻသွတ်ꩻ(နိဂုံးချုတ်)ဖုံႏသွူ။ ကသွုံꩻပျုလွေꩻဒါႏအနယ်ꩻပညာႏဖုံႏနောဝ်ꩻတဲ့ ဒေါ့ꩻရုဲင်းဟန်ဟိတ်ဟန်နေးစား၊တွမ်ႏမဲ့ဖြုံႏချင်းထွားနေးစား၊စူခင်ႏရုဲင်ꩻတသွိုးအောဝ်ႏနေးစား၊တွမ်ႏအငေါဝ်းတပါတောဝ်းတွော့ꩻ ဆွိုက်သံႏလွေꩻစားဖုံႏယိုနောဝ်ꩻ ထွာအီသွဥ်ထူႏမုအကျိုꩻတွိုႏသꩻအီသွူ။ မဥ်ႏထွာနွောင်ꩻနောဝ်ꩻတဲ့ မာꩻထာꩻမာꩻခင်ႏလမ်းတဲ့နောဝ်ꩻ၊ထွုမ်ႏထွားလွူꩻထောင်ရေꩻထာꩻဖုံႏတဲ့နောဝ်ꩻ တွမ်ႏလိုꩻအာ လိုꩻအလောင်ႏအလင်ဖုံႏ အီႏကျုံႏတလူႏခွဲးဗာႏဒျာႏရင်ꩻသွူ။ကွပ်နောဝ်ꩻမꩻ အောဝ်ႏလိုႏလွူꩻထွားအာအာငါလိတ်ဖုံႏ၊ကလꩻရာꩻဗဟုသုတဖုံႏသွူ။ကပြန်ႏထန်ႏလိတ်အုတ်နောဝ်ꩻ မုဒ်ဦးပညာႏရေꩻ,ကျောင်ꩻသားခွုမ်လိတ်အုတ်