ဖေႏကထွာမွိုန်းသꩻတနွော့ꩻ၊သꩻတဖုံထာꩻ

အမုဲင်ꩻ(၁)–ဖျင်ဆင်မု

ကတူႏစဲဥ်ႏနဲ့နောဝ်ꩻ၊သုတေသနယဟန်ႏတဲ့နောဝ်ꩻ မာꩻထွူအာꩻသွူးသေႏချာႏရီးဗာႏသွူ။ကအီႏဒေါ့ꩻဒါႏတမုဲင်ꩻဖုံႏယိုနောဝ်ꩻ ကွပ်ဖျင်ဆင်မုအောဝ်ႏတဲင်နမ်းတွမ်ႏနမ်းခံးစာꩻဗာႏ ယွုမ်းအံႏအုအောဝ်ႏသွူ။ပရိသတ်သီးဖုံႏကရီနွောင်ꩻဒါႏ ငေါဝ်းရီဖုံႏနောဝ်ꩻကဗော့ꩻရာꩻအထွာနွောင်ꩻရာꩻဖုံႏနောဝ်ꩻတဲ့ ယူႏစဥ်ꩻစာꩻ၊ဖျင်ဆင်သေꩻခါꩻဗာႏ၊ကဒင်ႏပျနယ်ထာꩻဖုံႏတဲ့နောဝ်ꩻ၊ဒေါ့ꩻဖြောဝ်ႏထာꩻလိုꩻအာဆꩻငါတဲ့နောဝ်ꩻငေါဝ်းရီပုစ္ဆာႏယို အရေꩻပါငါႏနေနေသွူ။

အမုဲင်ꩻ(၂)–မာꩻစံꩻဗာႏ ကအီႏဒေါ့ꩻငေါဝ်းယို ဒေါ့ꩻရီးစံꩻ၊မာꩻစံꩻရီးဗာႏသွူ။ကအီႏဒေါ့ꩻစံꩻထာꩻဖုံႏယိုဒေါ့ꩻနယ်သွꩻပေႏ တားလဲ့နားဟွိုန်စု ဝွေꩻသီးခတ်ကယ်ꩻဖေႏဗာႏ၊ထွားဖေႏဗာႏသွူ။ဖျင်ရီးမာꩻရီးထာꩻယိုနောဝ်ꩻ အီႏသွုပ်ငါအတာႏအသွုံꩻကျငါႏသွူ။အရီးသွတ်ꩻဝွေꩻသီးနောဝ်ꩻကူႏညီႏဖေႏနီကအီႏဒင်ႏပျနယ်အီတာႏ အကျောင်ꩻခရာႏတွမ်ႏ နီအီႏဒေါ့ꩻဗာႏတမုဲင်ꩻဖုံႏသွူ။ကမဲဥ်ရိုꩻနောဝ်ꩻတဲ့ မဥ်ႏအောဝ်ႏညီႏလဲဥ်းတွမ်ႏပရိသတ်လဲ့ ကွပ်နီဖျင်ဆင်မာꩻစံꩻရီးတဲင် တွမ်ႏနီကမာꩻထွူလဲဥ်းနောဝ်ꩻ ခံးစာꩻပီလို့ဝင်ꩻသွူ။

 ကတဲမ်းပြန်ႏထန်ႏလိတ်အုတ်ကိုနောဝ်ꩻ Mote Oo Education Book ,Chapter 6,