မာꩻထာꩻမာꩻတွမ်ႏအစွိုꩻအကျိုꩻတွိုႏသꩻမုဖေႏကအောဝ်ႏ

မာꩻထာꩻမာꩻတွမ်ႏအစွိုꩻ အကျိုꩻတွိုႏသꩻမုဖေႏကအောဝ်ႏနောဝ်ꩻ လိုႏအပ်ချက်ဖုံႏနောဝ်ꩻတဲ့ —အောဝ်ႏလိုႏဖန်းဖြယ်ဒေါ့ꩻနယ်ငါႏ အစွိုꩻဖုံႏကလက်ခံႏနွောင်ꩻဒါႏကောဝ်ႏထွန်ႏ၊ —ကအောဝ်ႏမာꩻဒါႏထာꩻမာꩻအကျောင်ꩻခရာႏယိုတဲင်လိုႏဖန်းဖြယ်ဖေႏချာငါလို့ဝင်ꩻ အစွိုꩻတွမ်ႏအစွိုꩻအခါႏလယ်ႏ၊ —ထာꩻယူႏထာꩻတွေꩻ၊ထာꩻစိက္ကူႏပါတွမ်ႏခံးစာꩻဆွိုက်သံႏမုဖုံႏယို အောဝ်ႏလိုႏဖြွောင်ချာငါငါႏလို့ဝင်ꩻသွူ။ —လိုꩻလောင်ႏအလင်ထာꩻယူႏထာꩻတွေꩻ၊ထာꩻစိက္ကူꩻဝွေႏဖန်ႏဥာဏ်ႏ၊ခံးစာမုဖုံႏယို အွဥ်ႏရေꩻနာႏသွူတဲင် သေနာႏဖေႏဗာႏဝွေꩻသီးသွူ။ —အစွိုꩻတစွိုꩻအကိုလိုႏအပ်ချက်ဖုံႏယို လိုႏဖေႏအာႏစွဲပင်းသော့ꩻကိုငါႏသွူ။ —နီအထျꩻကအောဝ်ႏဒါႏ ထာꩻယူႏထာꩻတွေꩻယံ တားလဲ့ အခိန်ႏအဗွေတဗာႏ လိုႏကူႏညီႏဖေႏသွူ။ —အစွိုꩻထာꩻမာꩻအလောင်း ကေားကဖေႏဒါႏအကျံႏဥာဏ်ႏဖုံႏ၊ဝွေႏဖန်ႏနေးလိတ်ဖုံႏနောဝ်ꩻလဲ့ လက်ခံႏဆွုမ်ႏဗာႏသွူ။ —ထာꩻယူႏထာꩻထီꩻကွယ်ꩻဝင်ꩻ၊ ဗွိုန်တောဝ်းလို့ဝင်ꩻတဲ့နောဝ်ꩻ၊ထွာအီဒါႏပဋိပက္ခဖုံႏတဲ့နောဝ်ꩻ နီစီႏမံႏဖန့်ဖြယ်ထူႏတာႏဝွန်ႏဗာႏသွူ။ ကလိုႏအပ်ဒါႏအချက်ဖုံႏယိုနောဝ်ꩻ ထူႏသွုံꩻလွေꩻတဲင်တွော့ꩻ မာꩻခန်းထာꩻမာꩻနုဲင်းမုဲင်ꩻတယောဝ်း အစွိုꩻနေးတဲ့နောဝ်ꩻ တားလဲ့တဖြာꩻအနေႏတဲ့နောဝ်ꩻ ထာꩻမာꩻအလောင်းယို အကျိုꩻအီႏတွိုႏသꩻအီ သꩻကေႏနပ်မုထွာဗာႏသွူ။ကပြန်ႏဒါႏလိတ်အုတ် မုဒ်ဦးပညာႏရေꩻ,Mote Oo Education