လိတ်ပွိုဒ်
၁။လိတ်စမ်ဖြဝ်ꩻလမ်းအမျိုꩻတမုဲင်ꩻဖုံႏ နာꩻတဲမ်းဖိုနေဟောင်း။
၂။တဲမ်းလိတ်စမ်ဖြဝ်ꩻတာႏ အောဝ်ႏလိုႏစွန်ꩻထီကျင်ႏလယ်ႏမုတမုဲင်ꩻဟောင်း။
- နီတဲမ်းခန်းလိတ်ပွိုဒ်တပုဒ်တဲ့နောဝ်ꩻ၊တဲမ်းလိတ်စဲန်ႏလိတ်တဲ့နောဝ်ꩻ ကတဲမ်းလွေꩻဒါႏအကို အောဝ်ႏလိုႏတယ်ႏဆို့ꩻငါႏပွုံႏစံႏသွူ။နီကလွူꩻဒါႏလိတ်ယို ကတူႏစဲဥ်ႏအကျောင်ꩻခရာႏတဲ့နောဝ်ꩻ၊အဓိကထာꩻယူႏထာꩻတွေꩻတွမ်ႏ အစွဲးအကမ်းကထွာဒါႏလိတ်ရဲဥ်ႏဖုံႏတဲ့နောဝ်ꩻ လိုႏမတ်နေးတွမ်ႏမတ်စုသွူ။တွမ်ႏနီနမ်းပဲင်ႏထာꩻတဲမ်းတဲင် အောဝ်ႏလိုႏတယ်ႏဆို့ꩻဗွိုန်ငါႏ လိတ်ပွိုဒ်တပုဒ်သွူ။
- လိတ်ပွိုဒ်တပုဒ်ကရိုꩻနောဝ်ꩻ ထွာဒျာႏလိတ်ရဲဥ်ႏကတူႏစဲဥ်ႏတဗာႏသွူ။လိတ်ရဲဥ်ႏနောဝ်ꩻ အသျင်ꩻနယ်ဖေႏလိတ်ပွိုဒ်အကို ကတူႏစဲဥ်ႏအကျောင်ꩻခရာႏတွမ်ႏ အဓိကထာꩻယူႏထာꩻတွေꩻအစွဲးအကမ်းဖုံႏသွူ။မဥ်ႏတဲမ်ႏလဲဥ်းသွူလိတ်ပွိုဒ်တရိုꩻတောဝ်း၊လိတ်ရဲဥ်ႏလိတ်စဲဥ်ႏတရိုꩻတောဝ်း ယိုနောဝ်ꩻလိတိပွိုဒ်အတာႏ အရေꩻကီꩻငါႏအချက်နောဝ်ꩻ အောဝ်ႏ(၃)ချက်သွူ။
- လိတ်ကတူႏစဲဥ်ႏအကျောင်ꩻခရာႏယို ကဲဥ်းအာအာကပါသော့ꩻနောဝ်ꩻ ကတူႏစဲဥ်ႏတွမ်ႏအဓိကထာꩻယူႏထာꩻတွေꩻအကျောင်ꩻခရာႏဖုံႏသွူ။
- အစွဲးအကမ်းလိတ်ရဲဥ်ႏနောဝ်ꩻတဲ့ လိတ်ပွိုဒ်လိတ်ယာႏအကိုကပါသော့ꩻနောဝ်ꩻ စွဲးကမ်းဖေႏ၊သျင်ꩻပျꩻချက်တားလဲ့ဖေႏဥပမာႏအဓိကထာꩻယူႏထာꩻတွေꩻအကျောင်ꩻခရာႏဖုံႏသွူ။
- ယလဲင်ႏလဲင်ႏလိတ်အချွုတ်ရဲဥ်ႏနောဝ်ꩻ လိတ်ပွိုဒ်အကိုဖေႏကဗွိုန်ဗာႏတွမ်ႏအဆုဲင်ꩻသွတ်ꩻကအွဥ်ႏနယ်ဒါႏအကျောင်ꩻခရာႏဖုံႏနောဝ်ꩻသွူ။
အုံနောင်လိတ်အုတ်နောဝ်ꩻ Learning Skills, Student Book,