လိုꩻမုဖဝအုံအဝ်ႏရေꩻ

ပထဝီႏဘာႏသာႏကလွူꩻထွားဗာႏနောဝ်ꩻလဲ့ လိုꩻမုဖဝအုံအဝ်ႏရေꩻယိုတဲ့ အခင်ႏလမ်းတဗွိုန်တဝ်းဝင်ꩻတစိꩻစိꩻသွူ။နီထီႏထွားသွူလွူꩻထွားသွူယိုစားလဲ့ လိုမုꩻရေဖဝအထင်ႏထိုနေးမုဲင်ꩻတွမ်ႏအပြောင်ꩻအလုဲင်ꩻတဗွိုန်တဝ်းလို့ဝင်ꩻဖုံႏယို သတိလꩻနေးဟောင်း။လိုမုဖဝအုံအဝ်ႏရေꩻယို တွမ်ႏသဘာႏဝအနီꩻအရင်ꩻက အလွောက်ꩻဖက်လို့နုဲင်းမုဲင်ꩻစားဟောင်း ဝွေꩻသီးသွုံꩻလွေꩻအကျိုꩻနုဲင်းမုဲင်ꩻဟောင်းဖုံႏယို ‌ မသူႏတွမ်ႏမသေနီအုံရောင်တွမ်ႏဝွေꩻသီးနေနေသွူ။ နီသွဉ်းသီးတဲ့ရသေဒျာႏ လိုမုရေꩻတဗာႏစီႏယို အသက်မွံဗန်တာႏကအုံဒင်ႏဒါႏဟံတန်အလောင်းယို အဝ်ႏထွုမ်ႏရောင်အနယ်ꩻဖုံႏသွူ။နီလိုꩻသီးဖုံႏတဲ့ ရုဲင်ꩻတသွိုးလိုမုဖဝအုံအဝ်ႏရေꩻတဲ့ တဗွိုန်တဝ်းလို့ဝင်ꩻဖုံႏသွူ။ဟံႏတန်ပထဝီႏယိုနောဝ်ꩻ အကူႏညီႏနီလိုꩻသီးဖဝအုံအဝ်ႏရေꩻ၊လွူနမ်းရေꩻ၊အရေꩻရေꩻစစွဉ်ႏဖုံႏယို အုံနောင်အုံကွူႏအီဝွေꩻသီးဖုံႏသွူ။ ကမဲဉ်ဖေႏသေတဲ့ သဘာႏဝသောင်ရင်ꩻယို အတရေꩻထွူဒျာႏ ဝွေꩻသီးတဲ့ဝွေꩻသီးဖန်ဆင်ချာနွောင်ꩻဒျာႏ နီလိုꩻသီးပေါႏအဝ်ႏလိုႏတားလဲ့ ဟဝ်ယားကုဲင်ထိုတဝ်း၊ဗက်ꩻတဒွေါ့ထဲ့ကုဲင်ထိုꩻဖုံႏယို လိုႏမာꩻတဝ်းငါႏသွူ။