သဘာႏဝတွမ်ႏနီလိုꩻသီး

သဘာႏဝသောင်ရင်အကို ကအုံအဝ်ႏသော့ဒါႏနီလိုꩻသီးဖုံႏတဲ့ ယေန်ႏကေႏမုတွမ်ႏအုံအဝ်ႏမုဖဝပွုံႏစံႏတဲ့ ကအွဉ်သားဖုံႏနောဝ်ꩻ တဗွိုန်တဝ်းလို့ဝင်ꩻတဲ့ အာတန်ဒျာႏသွူ။လိုꩻကသေရက်သဘာႏဝတဲ့အဝ်ႏဒျာႏ ကွဲတွော့ကသေရက်တားသားတဲ့ ရယိန်းအာအာကရိုꩻနောဝ်ꩻ သိပ္ပံပညာႏသျင်ႏသီး ကအွဉ်ႏနယ်ဒါႏယိုကိုနောဝ်ꩻတဲ့ အဝ်ႏဖတ်လွူꩻထွားဗာႏသွူ။ ကလွူꩻထွားဗာႏဟံႏပထဝီႏ တဗွိုန်ပီတဝ်းလို့ဝင်ꩻသွူ။သဘာႏဝသောင်ꩻရင်နောဝ်ꩻ ဗꩻတွိုႏခေတ်ဟန်ႏသနီꩻ နီလိုꩻသီးဖဝအုံအဝ်ႏရေꩻအတာႏနောဝ်ꩻ ကမ္ဘာႏလောင်းယိုအကျိုꩻမာꩻထွာအီအာတန်သွူ။သီတဲ့နောဝ်ꩻ၊နီတဲ့နောဝ်ꩻ လိုႏလွူꩻထွားအာအာငါႏ နုဲင်ႏငံႏရေꩻဖဲ့တဲ့သင်၊သမဲင်ꩻဖဲ့ꩻဆဲင်ႏရာꩻဖုံႏ အကျိုꩻကယံအီငါႏသီအတာႏနီအတာႏ နီအုံနောင်သွူသဘာႏဝတရာꩻတဲင် နီလိုꩻသီးဖဝရေꩻရာႏဖုံႏယို လိုႏဖောႏထန်ႏနယ်ချာ အဂွုဏ်ႏလက္ခဏာႏဖုံႏသွူ။ယင်းတဖဲ့ꩻလဲ့နောဝ်ꩻ မာꩻသေနာႏနာႏပါသွော့ ပွိုးတမုဲင်ꩻနီမွော့နီအသက်မွံဗန်ထာꩻ ဗꩻတွိုႏဟန်ႏသနီဟောင်း။နီလိုꩻသီးတွမ်ႏသဘာႏဝသောင်ရင်ꩻက ကင်ꩻလို့ဝင်ꩻလꩻနေဟောင်း။