သမဲင်ꩻပညာႏသျင်ႏ
မညတွမ်ႏမမွိုင်တဲ့သမဲင်ꩻယို အဖြေႏတသျင်ꩻတောဝ်း ထွုမ်ႏတမော့ꩻတောဝ်းအဖြေႏ ငေါဝ်းရီပုစ္ဆာႏတဲ့အောဝ်ႏအာတန်သွူ။သမဲင်ꩻပညာႏသျင်ႏသီးတဲ့တဗွိုန်တောဝ်း ကတွမ်ထူႏဒါႏအထွာအကုဲင်အကျောင်ꩻခရာႏတဲ့ တဗွိုန်တောဝ်းလို့ဝင်ꩻနေနေသွူ။ဝွေꩻသီးကထွုမ်ႏထောင်ထွူလဲဥ်းဖုံႏတဲ့ အုံနောင်ရောင်ဒျာႏ အရွီးအခိုႏအလောင်းဖုံႏသွူ။သမဲင်ꩻပညာႏသျင်ႏသီးနောဝ်ꩻထွာဒျာႏ ထွုမ်ႏထွားအတသာဖုံႏ တွမ်ႏတဗွိုန်တောဝ်းလို့ဝင်ꩻ ရွုတ်တခြိုꩻအရွီးအခိုႏဖုံႏ၊ အတသာလိတ်စေးလာႏမတ်တန်ꩻဖုံႏယို ပေါင်ꩻသော့ꩻအချက်တသာဖုံႏထွူတဲင် အထွူထိုꩻလဲဥ်းဒါႏအတိတ်လီꩻကမဲဥ်ရိုꩻနောဝ်ꩻတဲ့ အဗာႏမုဲင်ꩻပြောင်ꩻလုဲင်ႏနွောင်ꩻအီ။နောဝ်ꩻစားဒျာႏနေနေ သမဲင်ꩻပညာႏသျင်ႏသီး ထွုမ်းထွားသွူအဆွုမ်ႏအမော့ဗွိုန်ဗွိုန်လို့ဝင်ꩻ တွမ်ႏတဗွိုန်တောဝ်းလို့ဝင်ꩻ ကတွမ်ႏထူႏဒါႏအဓိပ္ပာယ်ႏ အထွာအကုဲင်ဖုံႏသွူ။
သမဲင်ꩻကရိုꩻနောဝ်ꩻ အောဝ်ႏထွာဒျာႏတသေႏသေႏ တွမ်ႏအောဝ်ႏပြောင်ꩻလုဲင်ႏတသေႏသေႏသွူ။မဟာနီꩻနောဝ်ꩻအထွာတမုဲင်ꩻက ဟန်ႏနီꩻကအထွာအကုဲင်ဖုံႏယို ခွိုင်းတွိုႏနွောင်ꩻလို့ဝင်ꩻသွူ။နီမဥ်ႏထွုမ်ႏထောင်ထွားသွူသမဲင်ꩻဖုံႏနောဝ်ꩻ ယူႏလꩻသေႏသေႏသွော့ ခင်ႏလမ်းယိုပွိုးတမုဲင်ꩻထွာလွဥ်ဗာႏ အကျောင်ꩻခရာႏဖုံႏအာအာသွူ။ကွပ်ပွိုးထွုမ်ႏထောင်ဗာႏသမဲင်ꩻတဲင် နီတွမ်ထူႏနွောင်ꩻဒါႏလွဥ်အဓိပ္ပာယ်ႏဖုံႏအထွာအကုဲင်အကို နီဆွုံꩻဖျတ်ဒါႏနွောင်ꩻအခြောင်ꩻလီꩻဖုံႏယို ပွိုးတမုဲင်ꩻထွာလွဥ်ဗာႏဖုံႏသွူ။
နောဝ်ꩻမꩻသမဲင်ꩻကရိုꩻယို လိုꩻတွိုင်ꩻစွုမ်ႏဖြာꩻ လိုႏသေနာႏချာငါႏအသမဲင်ꩻဖုံႏတဲင် သမဲင်ꩻအကိုထူႏသွဥ်ခန်ꩻဖေႏကမွံဗန်ထဲင်းထဲင်း ဝွေꩻသီးမာꩻနွောင်ꩻငါငါစွဥ်ႏသွူ။ [1]
- ↑ ကတဲမ်းပြန်ႏလိတ်အုတ်နောဝ်ꩻ SOCIAL SCIENCES STUDENTS BOOK