သမဲင်ꩻအထွာအကုဲင်(၁)
အရီးသွတ်ꩻသမဲင်ꩻပညာႏသျင်ႏသား ကထွုမ်ႏထွားဒါႏအချက်အတာႏအရွီးအခိုႏယို ထွာဒျာႏနီလိုꩻသီးလွူꩻထွားထောင်ထွားရေꩻတာႏသွူ။ကိဥ်းအာအာဝွေꩻသီးကမော့ꩻဒါႏအဆွုမ်ႏအမော့နောဝ်ꩻ သတင်ꩻကျာႏကို၊လိတ်ရဲဥ်ႏကို၊အစိုႏရမတ်တန်ꩻကို၊ဒုံသားမတ်တန်ꩻကို၊လိတ်အုတ်လိတ်စောင်ႏကို၊ တွမ်ႏနုဲင်ႏငံႏရေꩻဖဲ့ꩻဆဲင်ႏရာꩻ လိတ်စေးလာႏမတ်တန်ꩻကိုဖုံႏသွူ။ကွဲတွော့ꩻယဗာႏဗာႏယဟန်ႏနောဝ်ꩻ တတဲမ်းသော့ꩻလို့တောဝ်းအရွီးအခိုႏဖုံႏတဲ့အောဝ်ႏဒျာႏသွူ။အလမ်းအဟွိုန်ꩻ၊တဖူꩻဖုံႏ၊ကဝ်ႏပကီႏပွုံႏဖုံႏ တွမ်ႏပရိဘောဂဖုံႏနောဝ်ꩻ အထွာထွူလဲဥ်းဒါႏအထွာအကုဲင်နောဝ်ꩻ အဆွုမ်ႏအမော့ယိုကုဲင်းအောဝ်ႏဒါႏနောဝ်ꩻသွူ။နီလိုꩻသီးဒေါ့ꩻနယ်သွူ အဆွုမ်ႏအမော့အာအာတဲင် သမဲင်ꩻပညာႏသျင်ႏသီးလယ်ႏထွုမ်ႏထောင်တဲင် နီလိုꩻသီးအတာႏထွာအီငါႏအရွီးအခိုႏတဗာႏသွူ။ကွပ်အထွာအကုဲင်ဖုံႏယို ခွိုꩻသွုပ်တသာသီးကထွိုင်ႏလွူꩻဖတ်ဗာႏချာနောဝ်ꩻ ဝွေꩻသီးအတာႏအကျိုꩻအောဝ်ႏအာငါႏကရိုꩻနောဝ်ꩻ သမဲင်ꩻပညာႏသျင်ႏသီး အောဝ်ႏသေထီႏထွꩻဒျာႏသွူ။[1]
- ↑ SOCIAL SCIENCE STUDENTS BOOK ကိုသွူ