သမဲင်ꩻအရွီးအခိုႏ

တဲမ်းသမဲင်ꩻဆရာႏသီးနောဝ်ꩻ အထွာအကုဲင်ကားကအောဝ်ႏယို ထွာအကျောင်ꩻတရာꩻဖုံႏ အောဝ်ႏသေဒျာႏသွူ။သမဲင်ꩻအကို အထွာအကုဲင်တဗာႏ အီႏထွာလွေꩻနွောင်ꩻတေား အကျောင်ꩻခရာႏဖုံႏသွူ။ဥပမာႏ အိန္ဒိယလိုꩻမျိုꩻ လွစ်တခြင်ရေꩻ၊ ဝွေꩻသီးလိုꩻမျိုꩻလိုꩻအအာသွတ်ꩻနောဝ်ꩻတကျိုက်ရောင်တောဝ်း တပျောႏရောင်တောဝ်း ဗိတိသျကိုလိုနီစနစ်ဖုံႏသွူ။တကျိုက်တောဝ်းအကျောင်ꩻတရာꩻခံႏနောဝ်ꩻတဲ့ ထွာလွေꩻဝွေꩻသီးလိုမျိုꩻအတာႏ လွစ်တခြင်ရေꩻ ဖေႏကလꩻတဲင်ရုဲင်ꩻတသွိုးလွသွူ။

တဲမ်းသမဲင်ꩻဆရာႏသီး ကထွုမ်ႏထောင်ဒါႏအရွီးအခိုႏနောဝ်ꩻ တွမ်ႏလိတ်စေႏလာႏ၊မတ်တန်ꩻခါꩻနေးစားတွမ်ႏ အထွာအကုဲင်အကျောင်ꩻခရာႏဖုံႏယို ဒေါ့ꩻနယ်နေးစားဖုံႏသွူ။ဝွေꩻသီးကကျိုက်သꩻနောဝ်ꩻ ထွုမ်ႏထွားနေးအဆွုမ်ႏအမော့တဲင် စောႏတနာႏနေးစားသွူ။ဝွေꩻသီးမဥ်ႏမော့ꩻသွူအဆွုမ်ႏအမော့နောဝ်ꩻမꩻ ဝွေꩻသီးအွဥ်ႏဗွိုန်မာꩻဗွိုန်ဗွိုန်ယင်းဝင်ꩻသွူ။ဝွေꩻသီးထွုမ်ႏထောင်ထွားသွူ အဆွုမ်ႏအမော့တဲင်တွမ်ႏအဓိပ္ပာယ်ႏ ကျိုꩻစာꩻသျင်ꩻပျꩻနယ်ငါငါယင်း ကျိုꩻစာꩻထွုမ်ႏထွားယင်းအထန်ႏဖဲ့ꩻ ပွိုးတမုဲင်ꩻအထွာအကုဲင်တဗာႏဗာႏယို မွော့ဗွိုန်တွိုးလို့ဝင်ꩻနောဝ်ꩻစားသွူ။အနာႏဂါတ်ဆငါအကိုသူꩻ အီႏထွာသွုပ်ယင်းအ‌ေကျာင်ꩻတမုဲင်ꩻဖုံႏနောဝ်ꩻတဲ့ ဝွေꩻသီးလနွောင်ꩻအီထာꩻယူႏထာꩻတွေꩻဖုံႏသွူ။