သွဉ်ထူႏအီလဲက်ထရွန်းနစ်

သွဉ်ထူႏ elearning ကရိုꩻနောဝ်ꩻ တမုဲင်ꩻဟောင်း။သွဉ်ထူႏယိုနောဝ်ꩻတဲ့ ထွာဒျာႏလဲင်းလောင်းသွဉ်ထူႏမု တားလဲ့ သွဉ်ထူႏစက်ခြွိုင်းခြိုꩻကူစွိုးကူꩻမျိုꩻဖုံႏဒျာႏသွူ။သွဉ်ထူႏဖြယ်ချာငါလို့ဝင်ꩻလိတ်ဖုံႏတွမ်ႏဖျင်ဆင်ဒီဂျစ်တယ်အရွီးအခိုႏဖုံႏဒျာႏသွူ။ သွဉ်ႏဖေႏလွေဆော့လ်ဝဲဖ်ဖုံႏတွမ်ႏသွဉ်ထူႏမုဆဲင်ႏရာꩻ ရုဲင်ꩻတသွိုးအီအတာႏ အဟွော့ꩻအီအရန်းတဗာႏအနေႏတဲင် သတင်ꩻအချက်အဗာႏဖုံႏတွမ်ႏ ဆွိုက်သွယ်ႏရေꩻအနယ်ꩻပညာႏဖုံႏယို ကခွုမ်စံႏဒါႏ (ICT) သွဉ်ထူႏမုအသောင်အရင်ꩻ။ဒီဂျစ်တယ်အနယ်ꩻပညာႏနောဝ်ꩻ တိဉ်ႏကျလွိုကယ်ꩻရိုꩻနောဝ်ꩻစားတဲ့ အစွိုꩻအဗူႏဆဲင်ႏရာꩻ ရေႏရွယ်ႏချက်ကဝ်ႏထွန်ႏဖုံႏ ကွပ်အကွာႏဝင်ꩻတဲင် အရန်းထိုပညာႏရေꩻတွမ်ႏထာꩻမာꩻခွင်ႏကို e- learning ကရိုꩻနောဝ်ꩻတွမ်ႏ အီႏခွုမ်စံႏသွုံꩻလွေꩻနုဲင်းမုဲင်ꩻစား ပဲက်သဲက်တွမ်ႏအကွာႏထာꩻယူႏဖုံႏယိုစားနောဝ်ꩻ အောဝ်ႏကရိုꩻနဝ်စားတဲင် သေယူႏလသတိလꩻသွော့။

သွဉ်ႏထူႏစက်ဆော့လ်ဝဲဖ်နောဝ်ꩻ အဗော့ꩻအညာꩻသွဉ်ထူႏမုယို အခေႏခံႏအဝ်ႏထွူတဲင် မီဒီယာအတသာကထွာဒါႏ ဝဘ်နောဝ်ꩻထွာထူႏလွဉ်ဖေႏ အွော့ꩻဝန်ရေꩻတဖဲ့ꩻတခဝ်သွူ။ဝဘ်အနယ်ꩻပညာႏတသာဖုံႏ ကလေလုဲင်းလွဉ်ခိန်ႏတွင်ꩻ ဖေႏပညာႏဆရာႏဖုံႏတွမ်ႏသွဉ်တန်ꩻဆရာႏဖုံႏ သွဉ်ထူႏမုယိုဖေႏထင်ႏထိုအီ ထီႏတေားငါႏတညတောဝ်းတဲ့ ထီႏမော့ꩻဗာႏသွူ။အခိန်ႏတွမ်ႏအဗော့ꩻအညာꩻ ကန့်ထွော့ꩻခါꩻအဗာႏဗွိုန်နဝ်ꩻစားတဲင် သွဉ်ထူႏမုအရဲးအပါႏဖုံႏ(အထူꩻအနေႏတဲ့ အရန်းထိုကီပညာႏရေꩻနောဝ်ꩻ အရွယ်ႏတွိုႏထွူဒါႏလိုꩻသီးအတာႏ)ဖꩻဖြယ်စေအီအတာႏ အီလဲက်ထရွန်းနစ်အငေါဝ်းယို ထောက်ခံႏသားဖုံႏသွူ။မိဉ်ႏထွာရိုꩻရိုꩻနေးစားတဲ့ မဲ့ငါခွဲႏတောႏနေးလို့ဝင်ꩻတဲင် အီလဲက်ထရွန်းနစ်သွဉ်ထူႏမုလလွဉ်အကျိုꩻနောဝ်ꩻ အကွာႏလို့ဝင်ꩻအဝ်ႏတားတဲင် မီဒီယာတဲက်ထွားမုဆဲင်ႏရာꩻ ဝွေꩻသီးမာꩻသုတေသနအလꩻ အဝ်ႏပျနယ်သက်သေႏသွူ။အခိန်ႏခါႏမိဉ်ႏညလွဉ်နောဝ်ꩻ သွဉ်တန်ꩻဆရာႏဖုံႏတွမ်ႏအင်စတီကျူးရှင်းသီးဖုံႏ ‌ေဖႏကထွာ သွဉ်ထူႏဖေႏကယိုꩻဒါႏအနယ်ꩻတဖူꩻတဲင် အရန်းထိုပညာႏရေꩻယို သွဉ်ဖေႏအလွူꩻအကျင်ꩻကထွာဒါႏ သွဉ်ထူႏအီလဲက်ထရွန်းနစ်အကွို့ꩻအပဲင်ꩻဖုံႏယို အွဉ်ႏဆွိုင်ꩻပေါင်ꩻလို့ဝင်ꩻယိုစားတဲ့ သော့ꩻလွဉ်သွူ။

သွဉ်ထူႏမုတာႏဝွန်ႏဖုံႏ

ကိုဗစ်ရောႏဂါႏ ကထန်ႏနုံꩻအကို တဒွေါ့ꩻထဲ့အခိန်ႏတွင်ꩻ လိုႏအပ်ချက်တွမ်ႏထာꩻမာꩻအလွေꩻအသဲင်ꩻ အပြောင်ꩻအလုဲင်ႏဖုံႏယို စူစမ်ꩻထွုမ်ႏထောင်ထွားထွူတဲင် ကပ်ကိုဗစ်ရောႏဂါႏကာႏလအကို သွဉ်ထူႏအီလဲက်ထရွန်းနစ်အခရာႏဖုံႏယို လိုႏအပ်ချက်ဖုံႏတွမ်ႏကန့်ထွော့ခါꩻအချက်ဖုံႏ ပဲင်ႏချာꩻထွော့ခါꩻသွော့။