ဟဝ်ဟဝ်ဒါႏဒါႏအိုပ်ချွုတ်ရေꩻ
ဟဝ်ဟဝ်ဒါႏဒါႏအိုပ်ချွုတ်ရေꩻ
[edit]ဟဝ်ဟဝ်ဒါႏဒါႏအိုပ်ချွုတ်ရေꩻကရိုꩻနောဝ်ꩻ လိုꩻအစွိုꩻအဗူႏအကိုကထွာလွဉ်ကခံးစာꩻဗာႏဒါႏ အကုဲင်၊အဟဝ်ဖုံႏယို ခမ်းသားမွိုးဖာအတာႏသေနာႏထီႏလွေꩻတဲင် အကျိုꩻတွမ်ႏအကျောင်ꩻလွောက်ꩻငီႏလွေꩻဝင်ꩻတဲင် ထူႏတွမ်ႏအမျာꩻခမ်းသားသဖော်ꩻတူႏ ဗွိုန်ဝင်ꩻတဲင်တွော့ꩻ ဆွုံꩻဖျတ်လွေꩻ၊ထိန်ꩻထွားလွေꩻ၊ကျိုꩻဆောင်ႏမာꩻလွေꩻ တားလဲ့ အကုဲင်မျိုꩻဖဲ့ꩻယို တခွုမ်မာꩻလွေꩻတဝ်း ယိုစားဖုံႏနောဝ်ꩻ ဟဲ့ဗာႏအယံသွတ်ꩻသွူ။ နောဝ်ꩻတွော့ ဟဝ်ဟဝ်ဒါႏဒါႏအိုပ်ချွုတ်ရေꩻနောဝ်ꩻ ထွာဒျာႏထာꩻမာꩻရဲန်ႏတဗာႏတဲင် လိုꩻတဖြာꩻစီႏအတာႏ နီနမ်းတွမ်ႏနီနမ်းယိုတယ်ႏအမော့အစတဲင် တွမ်ႏခမ်းသားလိုꩻအမျာꩻတာႏ နွို့ကူႏညီႏထေင်းထမ်ႏကိုလွေꩻဗာႏသွူ။
ထိန်ꩻထွားဟဝ်လွေꩻအမုဲင်ꩻ(၁)
[edit]ဖေႏကထွာလွေꩻဟဝ်ဟဝ်ဒါႏဒါႏအိုပ်ချွုတ်ရေꩻနောဝ်ꩻတဲ့ ထိန်ꩻထွားဟဝ်လွေꩻဗာႏတွမ်ႏခမ်းသားအမျာꩻသီး နီဖဲ့ꩻနီခဝ်သဖော်ꩻဗွိုန်ဝင်ꩻသွူ။ (၁) တဲက်ထွားသဖော်ꩻဗွိုန်ဝင်ꩻတွမ်ႏခမ်းသားအမျာꩻသီး ဆွုံꩻဖျတ်ခွုမ်မာꩻလွေꩻဗာႏသွူ။
(၂) တာႏဝွန်ႏခံႏတွမ်ႏတာႏဝွန်ႏထူႏမုဖုံႏယို ထူႏရေꩻဗာႏ၊သျင်ꩻနွောင်ꩻဗာႏစာႏရင်ꩻဖုံႏသွူ။
(၃) ဖြွောင်ဖြွောင်ဒွေါင်ဒွေါင် အမျာꩻသေဗာႏ၊အမျာꩻထီႏဗာႏသွူ။
(၄) အလွေꩻတွမ်ႏအသဲင်ꩻ ခွိုန်ချာခွုမ်မာꩻလွေꩻဗာႏသွူ။
အိုပ်ချွုတ်ရေꩻဟဝ်ဟဝ်
[edit]ကခွုမ်စံႏကျိုꩻဆောင်ႏဖေႏဒါႏ ခမ်းသားမွိုးဖာသီးအကျိုꩻဖုံႏယိုကားကအဝ်ႏနောဝ်ꩻ တရျားငီႏတွောင်းဗာႏလို့ဝင်ꩻသွူ။
အခိန်ႏတွမ်ႏကရေႏရွယ်ႏဖေႏဒါႏခမ်းသီးအတွိုင်ꩻတွမ်ႏထာꩻမာꩻရဲန်ႏဖုံႏယို ဖောႏနယ်ဗာႏအနမ်းတွမ်ႏအခြုံဖုံႏ၊အဆေ့ꩻသွတ်ꩻအခိန်ႏတွမ်ႏအနီꩻအရင်ꩻဖုံႏယို ဖေႏကငီႏလွောက်ꩻလွေꩻတွမ်ႏစီႏမံႏကိန်ꩻဖုံႏယို ခွုမ်စံႏမာꩻလွေꩻ၊ကျိုꩻဆောင်ႏလွေꩻဗာႏသွူ။
ကခွုမ်စံႏလွေꩻဒါႏအကို တွမ်ႏတရာꩻဥပဒေႏတဲ့ လွောက်ꩻငီႏဒို့ꩻတခြို့လွေꩻဗာႏသွူ။
ခမ်းသားတွမ်ႏအစိုႏရသီးအခါႏ နွို့ပါငီႏဆောင်ႏရွပ်ကိုဗာႏလို့ဝင်ꩻသွူ။
ခွုမ်စံႏဆောင်ႏရွပ်လွေꩻသဖော်ꩻတူႏဗွိုန်ဝင်ꩻ
[edit]တွမ်ႏလိုꩻအာသꩻဆန္ဒအလꩻတွော့ꩻ အွဉ်ႏထွော့လွေꩻအချက်ထွူတဲင် ဆွုံꩻဖျတ်ꩻချက်အတသာဖုံႏယို ဆꩻလꩻခမ်းသားတွမ်ႏလိုꩻတဖြာꩻစီႏသီး ကစူꩻလက်ခံႏနွောင်ꩻဒါႏအချက်ဖုံႏယို ဖေႏကလွောက်ꩻလွဉ်ꩻပါလွဉ်ꩻနောဝ်ꩻ ငီႏငီႏမာꩻဗွိုန်ဗာႏလို့ဝင်ꩻသွူ။စအမော့တွမ်ႏတဖြာꩻတဲင် လိုꩻကားကအဝ်ႏခွုမ်စံႏသဖော်ꩻတူႏဗွိုန်ဝင်ꩻဖုံႏယို ကျိုꩻဆောင်ႏလွေꩻတဲ့ နီဖဲ့ꩻနီခဝ်အကျိုꩻအဝ်ႏငါႏသွူ။[1]
အုံနောင်
[edit]- ↑ public Administration Book,
လိုꩻအခွင်ꩻအရေꩻကရိုꩻနဝ်ꩻ တမုဲင်ꩻ
[edit]အခွင်ꩻအရေꩻကရိုꩻနောဝ်ꩻ နီတွမ်ႏနီကပဲင်ႏဆဲင်ႏဒါႏလꩻပဲင်ႏခွင်ꩻတဗာႏဒျာႏသွူ။နုဲင်းယိုကိုနီကထူႏသွုံꩻဒါႏနီအခွင်ꩻအရေꩻဖုံႏယို လိုꩻလင်တဖြာꩻလောင်းကအဝ်ႏဒါႏအခွင်ꩻအရေꩻဖုံႏ နီနမ်းတဖြာꩻမာꩻဗာႏခွိုင်းဗာႏတဝ်းမာꩻသျုတ်ꩻတားတဲင် လꩻပဲင်ႏခွင်ꩻယိုစားကျင်ꩻသွုံꩻနွောင်ꩻနဝ်ꩻ ကမ္ဘာႏကုလသမဂ္ဂသီး ဖြေ့ꩻလီခါꩻလိတ်ကေႏငြာႏနဝ်ꩻစားသွူ။နီသွဉ်းသီးရုဲင်ꩻတသွိုးပဲင်ႏခွင်ꩻယို တွမ်ႏနီကဗျာႏစွဉ်ႏဒါႏစူကသွတ်ꩻထိုꩻဒါႏလိုꩻတဖြာꩻအလောင်းအထျꩻအနာရပ်နောဝ်ꩻ အမဲန်ရိုꩻနဝ်ꩻစားနေနေသွူ။ လိုꩻတဖြာꩻစီႏအခွင်ꩻအရေꩻအတာႏယို နုဲင်းလိတ်ကေႏငျာႏကိုတဲ့ လိုꩻလင်ꩻတဖြာꩻအလောင်းတဲ့ တာႏဝွန်ႏအဝ်ႏဒျာႏနေနေသွူ။ ဖဝထဲမ်ဗွေရေꩻတွမ်ႏ နီသွဉ်းသီးအသက်မွံဗန် အုံအဝ်ႏနွောင်ꩻအတာႏ တအဝ်ႏတားတထွာတဝ်းနီလိုꩻသီးလိုႏအပ်ချက်ဖုံႏယို ဝွေꩻသီးတဲက်ထွားတွမ်ႏလိုꩻအခွင်ꩻအရေꩻသွူ။နီတွမ်ႏသီနဝ်ꩻ ထွာလဲန်းသွူနုဲင်ႏငံႏခမ်းသားတဖြာꩻတဲင် လိုꩻအခွင်ꩻအရေꩻတဗာႏတွမ်ႏ တရာꩻဝင်ႏဝင်ႏငါႏလꩻပဲင်ႏခွင်ꩻမုဖုံႏယို အဝ်ႏဗာႏသွူ။
ဥပဒေႏနုဲင်းမုဲင်ꩻစား
[edit]နုဲင်ႏငံႏတန်အရန်းလိုꩻအခွင်ꩻအရေꩻဆဲင်ႏရာꩻဥပဒေႏကအဝ်ႏပါဒါႏနောဝ်ꩻ နုဲင်ႏငံႏအရန်းလိုꩻအခွင်ꩻအရေꩻယို ထွာမွေးငါႏမူလအဓိကအထျꩻနဝ်ꩻသွူ။ကမ္ဘာႏတခွင်ႏလိုမ်းကအဝ်ႏဒါႏနုဲင်ႏငံႏခမ်းထီတွိုင်ꩻနဝ်ꩻတဲ့ လိုꩻအခွင်ꩻအရေꩻယိုခမ်းသားဥပဒေႏတွမ်ႏနုဲင်ႏငံႏတောႏထွို့ꩻဗူႏခါꩻအခေႏခံႏဥပဒေႏဖုံႏယိုတဲ့ အဝ်ႏရဲးကမ်းဖေႏရောင်သွူ။နဝ်ꩻအထန်ႏနုဲင်ႏငံႏကိဉ်းအာနဝ်ꩻ အစိုႏရသီးဖုံႏထိုးတွမ်ႏစူမုဲင်အာႏမခံႏဖေႏခါꩻ ပဋိညာဉ်ႏလိတ်ချွုပ်တွမ်ႏ သꩻသဖော်ꩻဗွိုန်ပီဝင်ꩻအချက်ဖုံႏနဝ်ꩻလဲ့ အခွင်ꩻအရေꩻတွမ်ႏလွစ်တခြေင်မုယိုဖုံႏတဲ့ ရဲးကမ်းခါꩻရောင်နေနေသွူ။
အခွင်ꩻအရေꩻတွမ်ႏလွစ်တခြင်မု ဗွိုန်နေဟောင်း
[edit]အခွင်ꩻအရေꩻတွမ်ႏလွစ်တခြင်မုယို အဗွိုန်ဒျာႏလို့ဝင်ꩻသွူ။ယိုစားနောဝ်ꩻ တဲက်ထွားဒျာႏတွမ်ႏဥပဒေႏအလꩻသွူ။ဥပမာႏနေးနဝ်ꩻတဲ့ ခံႏဗာႏဝင်ꩻအံႏနွောင်ꩻနိတ်စက်နဝ်ꩻ ကွပ်လွစ်တခြင်လꩻတဲင် ခံႏဗာႏတဝ်းဝင်ꩻမာꩻနွောင်ꩻနဝ်ꩻအတွိုင်ꩻ တဲင်တွော့ꩻ လိုႏအဝ်ႏဗာႏဥပဒေႏဆꩻလꩻသွူ။
ဥပဒေႏအရေꩻတန်တခွိုင်းမုဲင်ꩻ
[edit]အဖဲ့ဖဲ့ဆဲင်ႏရာꩻလိုꩻအခွင်ꩻအရေꩻလိတ်ကေႏငျာႏငေါဝ်းအရီးတယ်ႏအွဉ်နဝ်ꩻ တွမ်ႏကပြဲ့စွုံႏငါႏဂွုဏ်ႏသိက္ခာႏအမွီႏအနမ်းနဝ်ꩻစားတဲင် ပြောင်ꩻလုဲင်ႏခွင်ꩻတလꩻနွောင်ꩻတဝ်း လိုꩻအစွိုꩻအဗူႏကားကအဝ်ႏသီးဖုံႏနဝ်ꩻ ပဲက်သဲက်တွမ်ႏလိုꩻအခွင်ꩻအရေꩻယိုအွောန်ႏသေအွဉ်ႏထွော့ခါꩻရောင်သွူ။တကမ္ဘာႏလိုမ်းဆဲင်ႏရာꩻ လွစ်တခြင်ခွင်ꩻတွမ်ႏတရာꩻငီႏတရျားဝင်ꩻဖုံႏ၊အခေႏခံႏလွေꩻတွမ်ႏငိမ်ꩻချံꩻရေꩻဒျာႏကရိုꩻနောဝ်ꩻစားတဲ့ ဖောႏနယ်ဖေႏဒျာႏသွူ။ကဖောႏနယ်ဒါႏလိုꩻအခွင်ꩻအရေꩻဖုံႏယို ယားသားလွောက်ꩻနာႏတားသား အဝ်ႏဒါႏနဝ်ꩻတဲ့ တွမ်ႏဥပဒေႏနေးတဲ့ အီႏထူႏရေꩻလွေꩻနွောင်ꩻတဲင် ဥပဒေႏနဝ်ꩻခေတ်ဟန်ႏသနီꩻငဝ်းတဲ့ အဝ်ႏဒို့ꩻတခြို့အီကမ္ဘာႏသွူ။
ဥပဒေႏသက်တန်ꩻ
[edit]သဖော်ꩻသဘာႏဝနဝ်ꩻဥပဒေႏယို အဝ်ႏလွဉ်ထွူဒျာႏစခေါင်ႏစခါကာႏဒျာႏသွူ။ခေတ်အဆွိုက်ဆွိုက်ကွာႏထိုꩻကွို့ꩻ လိတ်ဖြုံႏတွမ်းငဝ်းဝေါဟာရသွူ။အမော့စနဝ်ꩻတဲ့ နမ်းကျင်ꩻတရာꩻသီႏလ၊စီꩻကန်ꩻတဖွောင်ꩻ၊ခေတ်ဟန်ႏသနီꩻဟဲ့ဖေႏကဟဝ်တဲင် ဥပဒေႏဒေါ့လွဉ်နဝ်ꩻစားသွူ။လိုꩻအခွင်ꩻအရေꩻဥပဒေႏယို ကအွဉ်ႏထွော့လွေꩻယင်းနဝ်ꩻ ဒုတိယကမ္ဘာႏစဲ့ပွယ်ꩻထွာထွူတဲင် ကတယ်ႏထောင်ႏတသာယင်းဒါႏကုလသမဂ္ဂအစွိုꩻအဗူႏအစွိုꩻနွို့နုဲင်ႏငံႏဖုံႏအလင်ꩻကယ်ႏ ထွို့ꩻတဲမ်းလွေꩻဥပဒေႏယိုသွူ။ဝွေꩻသီးကကေႏငျာႏတဲ့ တကမ္ဘာႏလိုမ်းတဲ့စူရောင်လွထွူတဲင် လိုꩻအခွင်ꩻအရေꩻယိုအခေႏခံႏလွေꩻတွမ်ႏလွစ်တခြင်မုတဲင် အနေင်ႏသွတ်ꩻအဆွုမ်ႏအနားတအဲန်းဥပဒေႏသက်တန်ꩻနဝ်ꩻ အွဉ်ႏထွော့လွေꩻခန်းဒျာႏသွူ။အစိုႏရလဲ့သင်ꩻ၊အတန်အကယ်ႏယင် ကအီႏအုပ်စိုꩻလင်ꩻခမ်းသားနဝ်ꩻ ထူႏသွုံꩻဗာႏတွမ်ႏအချက်အဗာႏဖုံႏယိုတဲင် ရေႏရွယ်ႏလွေꩻနဝ်စားသွူ။
အခွင်ꩻအရေꩻယို ပုဂ္ဂိုလ်ႏမုဲင်ꩻပဲင်ႏခွင်ꩻ
[edit]သီဖုံႏပဲင်ႏဒျာႏသွူ။ခွေသွဉ်းတဲ့အဝ်ႏပဲင်ႏဒျာႏနေနေတဲင် လိုꩻတွိုင်ꩻလိုꩻပိုကားကအဝ်ႏဖုံႏယို အခွင်ꩻအရေꩻယိုနဝ်ꩻပဲင်ႏဒျာႏလို့လို့သွူ။ယိုစားနဝ်ꩻတဲင် အဆဲင်ႏဒျာႏတကမ္ဘာႏလိုမ်း လိုꩻမူႏဖုံႏ၊လိုꩻခိုဖုံႏ၊လိုꩻပေႏလိုꩻယွဲးဖုံႏ၊ယွုမ်းအံႏဘာႏသာႏတရာꩻဖုံႏ၊ဘာႏသာႏအဲန်ထဝ်းဖုံႏ၊လိုꩻဗွာ၊လိုဖြေင်း၊ချံꩻသာႏဆင်ꩻရယ်ꩻတရွေꩻတဝ်းတဲင် လိုꩻတွိုင်ꩻအတာႏတဲ့ တသွိုန်တွောင်းတရျားဒျာႏဝင်ꩻသွူ။
အခွင်ꩻအရေꩻတွမ်ႏထွိုက်တန်ႏလိုꩻ
[edit]လိုꩻတွိုင်ꩻအခွင်ꩻရေꩻတသွိုန်တွောင်းဝင်ꩻဖုံႏယို လွူးလင်ꩻဖွာꩻလင်ꩻဖေႏစွဉ်ႏဒျာႏအစဒျာႏသွူ။ပုဂ္ဂိုလ်ႏနဝ်ꩻမာꩻခန်းထာꩻမာꩻမုဲင်ꩻရိုꩻတား၊အုံအဝ်ႏခန်းခင်ႏလမ်ႏဒေႏသမုဲင်ꩻရိုꩻတား အခွင်ꩻအရေꩻနဝ်ꩻပြောင်ꩻလုဲင်ႏတားတစိꩻစိꩻသွူ။ပါꩻမုဲင်ꩻပယ်ႏခန်းလဲ့ တလꩻတဝ်းလာꩻလာꩻသွူ။အခွင်ꩻအရေꩻယိုလွိုဆန်ꩻသား၊ကေားယားသားအဝ်ႏနဝ်ꩻတဲ့ နုဲင်ႏငံႏတန်အရန်းထိုစားသူꩻ အီႏထူႏရေꩻတွမ်ႏဥပဒေႏအလꩻသွူ။တွမ်ႏအမှုတဗာႏဗာႏတဲင် အမဉ်ႏဗာႏခွိုင်းတဝ်း၊ထွုမ်ႏတွမ်တမော့တားနဝ်ꩻ ဖေႏချလင်ꩻအပဲစ်လတားသွူ။လိုꩻပုဂ္ဂိုလ်ႏမုဲင်ꩻတရိုꩻတဝ်း တွမ်ႏအခွင်ꩻရေꩻယို ယားကုဲင်တဝ်း၊လွိုဆန်ခေါတဝ်းဝင်ꩻတဲင် ဖေႏကမွံဗန်ဒျာႏတသေႏသေႏ ရဲးကမ်းဖေႏ၊ပင်ႏတသွောင်းကိုဖေႏဒျာႏ လိုꩻနဝ်ꩻစားနဝ်ꩻ ထွိုက်တန်ႏအလွောက်ꩻတဲ့ ခံးစားခွင်ꩻလꩻဗာႏသွူ။
အံႏသွင်ꩻဗာႏခွင်ꩻရေꩻနဝ်ꩻနုဲင်းမုဲင်ꩻစား
[edit]လိုꩻတဖြာꩻစီႏခွင်ꩻရေꩻယိုအံႏသွင်ꩻကရိုꩻနောဝ်ꩻ အခွင်ꩻအရေꩻသူꩻဖုံႏယို အွဉ်ႏတန်ႏဖိုꩻဗာႏသွူ။ကမဲန်ရိုꩻနဝ်ꩻတဲ့ လိုꩻတမွေးတား ရိုꩻကီလဲ့ အသေန်ႏဆေ့ꩻဆေ့ꩻပေႏဒျာႏသွူ။ကအွဉ်ႏရေꩻဗာႏအကျောင်ꩻခရာႏဖုံႏနောဝ်ꩻ နီသွဉ်းသီးထာꩻထီႏတွမ်ႏထာꩻယူႏဖြယ်လို့ဖုံႏ၊ယေန်ႏငဲးရေꩻ၊ဘာႏသာႏတရာꩻရေꩻဖဲ့ꩻ ဆဲင်ႏရာꩻဖုံႏယို ယွုမ်းအံႏသွင်ꩻချာငါဗာႏလို့ဝင်ꩻသွူ။နီသွဉ်းသီးယူႏတဖဲ့ꩻ၊ထီႏတဖဲ့ꩻဝါဒနဝ်ꩻစား မွေးတားတဲင် အံႏသွင်ꩻချာငါလို့ဝင်ꩻ၊ထူႏရေꩻချာငါလို့ဝင်ꩻ နုဲင်းယိုစားဖုံႏသွူ။
တရာꩻငီႏတရျားဝင်ꩻ
[edit]ထာꩻတရာꩻငီႏတရျားဝင်ꩻကရိုꩻနောဝ်ꩻ အခွင်ꩻရေꩻတဗာႏဒေါ့နဝ်ꩻစားတဲ့ လꩻဒေါ့ꩻနွောင်ꩻဒျာႏတဲင် ကမ္ဘာႏတန်အလောင်းကီစွန်ꩻအာႏမုဲင်ꩻတရိုꩻတောဝ်း တရာꩻငီႏတရျားဝင်ꩻယို အကျောင်ꩻတရာꩻခံႏယံကထွာတဲ့ တပြောင်ꩻလုဲင်ႏနွောင်ꩻတဝ်းသွူ။ နီသွဉ်းသီးတဖြာꩻစီႏအကွာႏလို့ဝင်ꩻဖုံႏ၊သမ်းထွာယင်ဘာႏသာႏတဗာႏစီႏတဲင် ကွဲးတွော့ နမ်းတဖြာꩻစီႏကိုကအဝ်ႏဒါႏပါႏရမီႏနဝ်ꩻတဲ့ တဗွိုန်တဝ်းလို့ဝင်ꩻ ရိုꩻနဝ်ꩻစားတွော့ အမဲန်ႏတရာꩻဖဲ့ꩻတဲ့ ကခွုမ်စံႏလက်ခံႏသဖော်ꩻတရာꩻနဝ်ꩻ အပီဒျာႏလို့ဝင်ꩻသွူ။ အောဝ်ႏအခွင်ꩻအရေꩻတဲင် နီသွဉ်းသီးအခိန်ႏတလဲင်ႏချင်ꩻ ဗွိုန်ပီဝင်ꩻ တားလဲ့ အကွာႏဝင်ꩻဖုံႏယို အချက်ဖုံႏနဝ်ꩻတဲ့ ဆꩻငါစွို့ꩻစွို့ꩻသူꩻနဝ်ꩻ တရာꩻငီႏတရျားယင်းဒျာႏလို့ဝင်ꩻသွူ။နုဲင်းလိုꩻခွင်ꩻရေꩻနိယာမတရာꩻနဝ်ꩻ တယ်ႏဆို့ꩻပီတားဝင်ꩻတဲင် တဖြာꩻတွမ်ႏတဖြာꩻဖေႏကခွယ်ꩻချာꩻမွိုန်းဝင်ꩻ၊တရျားငီႏလို့ဝင်ꩻအတာႏနဝ်ꩻ ရဲးကမ်းခါꩻဖေႏသွူ။
လိုꩻမူႏတဖြာꩻခွင်ꩻရေꩻ
[edit]လိုꩻအစွိုꩻအဗူႏအကို ထွုံꩻစံꩻစခါအတွိုင်ꩻလိုꩻမူႏသီးမာꩻပဲင်ႏခွင်ꩻယို နဝ်ꩻစားအတွိုင်ꩻဒျာႏနေနေတဲင် နုဲင်းဒျာႏဝွေꩻမူႏမဲန်အုံသော့ꩻခန်းလမ်းကို ဝွေꩻဆန္ဒအတွိုင်ꩻ အုံတခြင်ခြင်ခွင်ꩻရေꩻအဝ်ႏဗာႏသွူ။မာꩻခန်းထာꩻမာꩻအထန်ႏလဲ့ တွမ်ႏလိုꩻခိုသီးကလꩻဒါႏလာတာႏဖုံႏတဲ့ ခွဲꩻချာဖေႏဗာႏတားလို့ဝင်ꩻ တရာꩻငီႏရျားတွာတွာဖေႏဗာႏနဝ်ꩻစားတဲ့ ဝွေꩻသီးခွင်ꩻရေꩻဒျာႏနေနေသွူ။ လိုꩻမူႏသီးတဖြာꩻစီႏခွင်ꩻရေꩻယို ဖေႏကလꩻနွောင်ꩻခွင်ꩻရေꩻတဖူꩻဖုံႏအတာႏ အစိုႏရတဲ့မာꩻဖေႏဗာႏဒျာႏသွူ။
နမ်းတွမ်ႏခမ်းထီတာႏဝွန်ႏ
[edit]ခမ်းထီတဖြုံႏယို နီတွမ်ႏနီသဖော်ꩻအတွိုင်ꩻကအဝ်ႏတဲ့ ကျိုꩻဆောင်ႏလွေꩻဗာႏတဲ့ခွင်ꩻရေꩻယိုရအဝ်ႏဗာႏသွူ။နုဲင်းယိုစားတဲ့ ခမ်းထီတဖြုံႏအကို အွဉ်ႏထွော့ꩻသေꩻခါꩻဖေႏ အသုဲင်အမောင်ꩻအာႏဏာႏသွူ။နီနမ်းမဲန်ႏကျိုꩻဆောင်ႏလွေꩻတဲ့ ခမ်းလင်သားနွို့ꩻသျုတ်တရေင်နီတဲ့ ခွင်ꩻအဝ်ႏတား၊ရဲးခန်းတွမ်ႏခမ်းဥပဒေႏတဲ့ တလꩻတဝ်းတဲင် နီခမ်းထီကိုမာꩻပြွူႏဖြိုထင်ႏထိုခွင်ꩻရေꩻယို အဝ်ႏဒျာႏအကျောင်ꩻ ကုလသမဂ္ဂသီးဖြေ့ꩻလီခါꩻလိတ်နဝ်ꩻစားသွူ။
အုံနောင်
[edit]- ↑ The Human Rights Handbook, First published in 1995 by the Human Rights Centre,Essex University, England, UK