အာႏကွိုꩻကျမ်ꩻခရာႏ

အာႏကွိုꩻကျမ်ꩻကရိုꩻနောဝ်ꩻတဲ့ တွမ်ႏတဲမ်းကူꩻထူꩻလိုꩻတဖြာꩻကတဲမ်းဒါႏလိတ်နောဝ်ꩻ သမ်းပေါင်းဗွိုန်ဒျာႏဝင်ꩻနေနေသွူ။နာႏဖေႏကဟဝ်တဲင်တွော့ꩻ အာႏကွိုꩻအုံနောင်ကျမ်ꩻနဝ်ꩻစားဒျာႏသွူ။ လိုꩻလင်ကတဲမ်းလိတ်ဖုံႏ အကျံႏဥာဏ်ႏဖုံႏယို နီထူႏကူꩻမာꩻလုဲင်ႏလိတ်ယာႏနောဝ်ꩻ အထီထွူႏငါႏလွူꩻထွားမုပညာႏတဗာႏဒျာႏသွူ။နုဲင်းဒျာႏတက္ကသိုလ်ႏဖုံႏ လိုꩻဖုံႏကတဲမ်းလိတ်စံဖြဝ်ꩻဖုံႏနောဝ်ꩻ ထီႏဗာႏအာအာငါႏသွူ။ယလဲင်ႏလဲင်ႏနောဝ်ꩻ လိတ်အကဲဉ်အဗဲ့ꩻထိုꩻမားတဲ့အောဝ်ႏဒျာႏ ပွိုးတမုဲင်ꩻနဲးတဲင် ဝွေꩻသီးကူꩻလို့စွဉ်ႏဝင်ꩻ၊ကူꩻတောက်ꩻနေးစားဒျာႏမꩻ အဓိပ္ပာယ်ႏဖြယ်ထန်ႏတေားလို့ဝင်ꩻသွူ။ အာႏကွိုꩻကျမ်ꩻက တွမ်ႏနီလိတ်ယာႏယို တဲက်ဆဲင်ႏမုတွမ်ႏစပ်ဆွိုင်ꩻလို့ဝင်ꩻ ရောꩻ့နဲ့ရောꩻ့တဝ်းနဲ့နောဝ်ꩻ စဲစ်ꩻဆေꩻထာꩻမာꩻဖုံႏယို မာꩻဗာႏသွူ။နီကထူႏဒါႏလိတ်နောဝ်ꩻတဲ့ ကူꩻလို့တဲမ်းလို့နေးစား တလိုႏတဝ်းနေနေသွူ။နီလိတ်ယာႏအစွဲအကမ်းကူႏညီႏထွာအီဒါႏလိတ်ယာႏငါ လလဲဉ်းဒျာႏအကျောင်ꩻသွူ။