အာႏလိုႏစာခေႏပြဲင်ႏမု

ကွန်ႏတခြိုꩻပွုံႏမဲဉ်ႏရိုꩻရိုꩻအာႏလိုႏစာယို ကထေထန်ႏသားသူꩻ ဝွေꩻသီးကအီႏမာꩻနောဝ်ꩻ ကလꩻဒါႏအရွီးအခိုႏယို ဗွိုန်သွူလို့ဝင်ꩻတဲ့ ခေႏပြဲင်ႏမုထွာလွဉ်ဗာႏသွူ။ ကွန်ႏတခြိုꩻထေထန်ႏသားတဖြာꩻဆွုံꩻဖျတ်လဲဉ်းသွူ ကထေထန်ႏဒါႏကွန်ႏတခြိုꩻအထီအသွီႏအနီအရင်ꩻယို တဗွိုန်တဝ်းတွမ်ႏလိုꩻလင်တဲ့ ဖေႏကယိန်းယံယံနောဝ်ꩻ ဝွေꩻယိုထေထန်ႏစွဉ်ႏရင်ꩻသွူ။ ထေထန်ႏကွန်ႏတဗာႏယိုယလဲင်ႏလဲင်ႏနောဝ်ꩻ ကွန်ႏတခြိုꩻလင်အတာႏတဲ့ အကျိုꩻထွာအီတေားတဲ့အဝ်ႏဒျာႏသွူ။ ယလဲင်ႏလဲင်ႏတဲ့တမောင်ꩻကော့ꩻတဝ်း သဘာႏဝအထန်ႏအန္တရာယ်ႏဖုံႏ၊စဲ့ꩻပွယ်ꩻဖုံႏ၊တနွိုင်လို့ဝင်ꩻဖုံႏယို အာႏလိုႏစာအတာႏတဲ့ထွာအီတေား အကျိုꩻကုဲင်နေနေသွူ။ ခေႏပြဲင်ႏမုတဲ့အဝ်ႏဒျာႏရင် ကွဲတွော့ꩻပေါႏနီကွန်ႏတခြိုꩻအခန်ပွုံႏမဲဉ်ႏဒျာႏနောဝ်ꩻ လိုႏအုံတေ့ꩻတေ့ꩻဗော့ꩻထာꩻသနယ် နေးမုဲင်ꩻစားနဲးတဲင် တဟဝ်တွိုင်ꩻတဝ်းသွူ။