Portal:လိုꩻခရာႏ သိပ္ပံ/Introduction
ကျိုႏဆွမ်ႏဒျာႏ"လိုꩻမုရေꩻသိပ္ပံပေါ်တယ်"သွူ။ ဒလ်တ်ဘောက်ယိုနောဝ်ꩻ အောဝ်ႏစီႏခြပ်ꩻစီႏစဲဥ်ႏဖေႏသီ ဝီခီတက္ကသိုလ်ႏတခူႏတခေါဝ်တဲင် အဗွိုန်ပီနုဲင်း"ကျောင်ꩻ"အကိုကအောဝ်ႏဒါႏ အွတ်ꩻတွမ်ႏအင်ꩻတက္ကသိုလ်ႏသွူ။ယိုကိုနောဝ်ꩻနီထွားနွောင်ꩻဒျာႏ လင့်တခူးတခေါဝ်အမျိုꩻမျိုꩻဖုံႏ၊ကျောင်ꩻဖုံႏ၊သုတေသနစီႏမံႏကိန်ꩻဖုံႏ၊သွဥ်ထူႏမုအနီꩻအရင်ꩻ ပါတွမ်ႏအလောင်းအလင်ဖုံႏသွူ။ လိုꩻမုရေꩻသိပ္ပံဖုံႏနောဝ်ꩻ အောဝ်ႏဖန်ဆင်ꩻဖေႏ လွူꩻထွားအီအတာႏအကျောင်ꩻခရာႏကထွာဒါႏ လိုꩻမုရေꩻအစွိုꩻတွမ်ႏ ယေဘုယျအလꩻနီလိုꩻသီးအပွိုင်အဝွိုင်ဖုံႏသွူ။လိုꩻမုရေꩻအစွိုꩻတဗာႏလွုမ်ꩻတကာႏတောဝ်း တကမ္ဘာႏလွုမ်းဆဲင်ႏရာꩻပရိသတ်သီးအတာႏလဲ့နောဝ်ꩻ ဗွိုန်နုဲင်းဒါႏဝီခီတက္ကသိုလ်ႏ ကအောဝ်ႏစွဲးကမ်းပင်ႏကိုဖေႏဒါႏနုဲင်းနောဝ်ꩻသွူ။ပရိုဂရမ်အတာႏ သꩻဝင်ꩻစာႏခရာႏလဲ့ထွာဒျာႏ၊ထွို့ꩻငင်ႏအီခရာႏတဲ့အောဝ်ႏ ကွပ်နောဝ်ꩻမꩻ အထွာလွဥ်ထာꩻကျိုꩻစာꩻမုတဗာႏသွူ။ကွပ်လꩻလွဥ်နောဝ်ꩻစားတဲင် ဝီခီတက္ကသိုလ်ႏအကို လိုꩻမုရေꩻသိပ္ပံပေါ်တာနီဗာႏကထွာဒါႏ အတဥ်ႏအကျတွမ်ႏတကမ္ဘာႏလွုမ်းဆဲင်ႏရာꩻဖုံႏယို တွမ်ႏလုံ့လကျိုꩻစာꩻမုတဲင် နီမဥ်ႏထောင်လွေꩻပညာႏရေꩻတဖူꩻနောဝ်ꩻ အောဝ်ႏလိုႏလွောက်ꩻနာႏထွိုက်ငါႏသွူ။သွဥ်တန်ꩻဆရာႏအတာႏ ယိုနောဝ်ꩻထွာဒျာႏယေန်ႏကေႏမုဖဲ့ဆဲင်ႏရာꩻတဲင် ထီႏနေးတဖဲ့ꩻမွေးတားတွော့ꩻ ဘာႏသာႏငေါဝ်းငွါမျိုꩻစွုမ်ႏပညာႏရေꩻဖဲ့ꩻဆဲင်ႏရာꩻယို ကျိုꩻစာꩻသွဥ်ထူႏရုဲင်းရုဲင်းသန်သန် ကလုဲင်းငါႏအကျောင်ꩻခရာႏကျောင်ꩻသားဖုံႏအတာႏ ဖေႏကလွောက်ꩻနာႏတဲင် ဒင်ႏပျꩻနယ်ဗာႏ၊အကျံႏဥာဏ်ႏဟောဝ်ဖေႏဗာႏသွူ။ထွိုက်သင်ꩻရာꩻကျောင်ꩻသားဖုံး ကထွုမ်ႏထောင်ထွားဒါႏ ကမ္ဘာႏလွုမ်းဆဲင်ႏရာႏလိုꩻအစွိုꩻအဗူႏဖုံႏအလောင်း တွိုႏသꩻမုကအောဝ်ႏဒါႏ မျိုꩻပေါင်ꩻစွုမ်ႏအာကိစ္စအလောင်းနုဲင်းယို တွမ်ႏထာꩻထီႏအဖဲ့ꩻမျိုꩻစွုမ်ႏတဲင် မဥ်ႏလွိုက်ရွေꩻနောဝ်ꩻ လွိုက်ရွေꩻခွင်ꩻဖုံႏယို အောဝ်ႏလိုႏဖေႏငါႏသွူ။ကွပ်နောဝ်ꩻမꩻကျောင်ꩻသားဖုံႏ ပတ်သဲက်တွမ်ႏကဗွိုန်ပီဒါႏပျဿနာႏမျိုꩻပေါင်ꩻစွုမ်ႏ တွမ်ႏထာꩻထီႏအမျိုꩻမျိုꩻအဖဲ့ꩻဖဲ့ꩻယို ဖေႏကထွုမ်ႏထွားထောင်သွဥ်ထူႏအီတဲင် ထွာအီကျောင်ꩻသားဖုံႏ ခံႏဗာႏနွန်ႏအာႏ၊ဂြိုလ်ယိုတဖဲ့ꩻကအောဝ်ႏဒါႏ သွဥ်ထူႏလွူꩻထွားဘာႏသာႏဖဲ့ꩻဆဲင်ႏရာꩻယို တွမ်ႏအွိုးဂြိုလ်သူꩻတခေါဝ်နောဝ်ꩻ တဗွိုန်ပီတောဝ်းလို့ဝင်ꩻကွပ်ထီႏထွꩻနောဝ်ꩻစားတဲင် ဝွေꩻသီးအတာႏထွာအီယင်းနွန်ႏအာႏနေနေသွူ။နီသွဥ်းသီးတွမ်ႏနီသွဥ်းသီးအချင်ꩻချင်ꩻ ထာꩻသေနာႏမုယို ဖေႏမာꩻထိုထင်ႏကီအာအာ ကျိုꩻစာꩻလွေꩻနေးနောဝ်ꩻတဲင် ကမ္ဘာႏလွုမ်းကဆဲင်ႏဒါႏလိုꩻမုအပွိုင်အခင်ဖုံႏကို တွမ်ႏထာꩻထီႏအဖဲ့ꩻမျိုꩻစွုမ်ႏစွုမ်ႏတဲင် စွစ်ꩻတနာႏထောင်ထွားအီတာႏ အကျိုꩻကအောဝ်ႏဒါႏနီထာꩻကျိုꩻစာꩻတွမ်ႏထေရဲင်ꩻအာႏယို ကျောင်ꩻသားတွမ်ႏဆရာႏ/ဆရာႏမူႏဖုံႏ ယံကလွဥ်ပါနွို့သော့ꩻနောဝ်ꩻ နီအောဝ်ႏကျိုႏဆွုမ်ႏမောင်ꩻကော့ꩻတသေႏသွူ။
