Course:ਕੁਆਂਟਮ ਫੀਲਡ ਥਿਊਰੀ/ਜਾਣ-ਪਛਾਣ

ਇਹ ਥਿਊਰੀ ਕੋਈ ਬਹੁਤ ਕਠਿਨ ਥਿਊਰੀ ਨਹੀਂ ਹੈ, ਸਿਰਫ ਤਾਂ ਕਠਿਨ ਲੱਗ ਸਕਦੀ ਹੈ ਜੇਕਰ ਇਸਦੇ ਇੱਕਲੇ ਇਕੱਲੇ ਪੁਰਜੇ ਨੂੰ ਬਗੈਰ ਸਮਝੇ ਇਸਨੂੰ ਸਮਝਣ ਦਾ ਯਤਨ ਕੀਤਾ ਜਾਵੇ । ਪਰ ਇੱਕ ਵਾਰ ਇਸਦੇ ਹਰੇਕ ਹਿੱਸੇ ਅਤੇ ਇਸਦੇ ਨਾਲ ਸਬੰਧਤ ਹਰੇਕ ਭੌਤਿਕ ਵਿਗਿਆਨਿਕ ਸ਼ਬਦ ਦੀ ਪਰਿਭਾਸ਼ਾ ਵਿਆਖਿਆ ਸਮੇਤ ਸਮਝ ਲਿਆ ਜਾਵੇ ਤਾਂ ਫੇਰ ਹਰੇਕ ਪੁਰਜੇ ਨੂੰ ਜੋੜ ਕੇ ਇੱਕ ਦੋ ਲਾਈਨਾਂ ਵਿੱਚ ਹੀ ਇਹ ਥਿਊਰੀ ਸਿਮਟ ਜਾਂਦੀ ਹੈ। ਇਹ ਥਿਊਰੀ ਸਮਝਣ ਲਈ ਕੁਆਂਟਮ ਮਕੈਨਿਕਸ ਦੇ ਇੱਕ ਸੰਪੂਰਣ ਮੁਢਲੇ ਕੋਰਸ ਦੀ ਜਾਣਕਾਰੀ ਦੀ ਮੰਗ ਕਰਦੀ ਹੈ, ਇਸਦੇ ਲਈ ਜਿਹੜੇ ਪਾਠਕ ਇਸ ਥਿਊਰੀ ਨੂੰ ਸਮਝਣਾ ਚਾਹੁੰਦੇ ਹੋਣ, ਉਹ ਇਸਨੂੰ ਸਮਝਣ ਤੋਂ ਪਹਿਲਾਂ ਕੁਆਂਟਮ ਮਕੈਨਿਕਸ ਦਾ ਇੱਕ ਬੁਨਿਆਦੀ ਕੋਰਸ (ਜੋ ਇਸੇ ਕੋਰਸ ਦੇ ਮੀਨੂ ਵਿੱਚੋਂ ਮਿਲ ਜਾਏਗਾ) ਜਰੂਰ ਇੱਕ ਵਾਰ ਨਜ਼ਰਾਂ ਵਿੱਚ ਨੂੰ ਕੱਢ ਲੈਣ, ਨਹੀਂ ਤਾਂ ਇਸਦੇ ਵਿੱਚ ਵਰਤੇ ਗਏ ਚਿੰਨ ਇੱਕ ਮੁਸ਼ਕਿਲ ਜਿਹੀ ਭਾਸ਼ਾ ਵਾਂਗ ਲੱਗਣਗੇ, ਅਤੇ ਇਸ ਕਠਿਨ ਕੋਰਸ ਦਾ ਪੂਰਾ ਵਿਸ਼ਾ ਪਾਠਕਾਂ ਲਈ ਮੁਸ਼ਕਿਲ ਸਾਬਤ ਹੋ ਸਕਦਾ ਹੈ। ਫੇਰ ਵੀ ਜਿੱਥੋਂ ਤੱਕ ਹੋ ਸਕੇ ਸਰਲ ਸ਼ਬਦਾਂ ਵਿੱਚ ਹਰੇਕ ਚੀਜ਼ ਨੂੰ ਲਿਖਣ ਦਾ ਯਤਨ ਰਹੇਗਾ ।