ပညာႏတာႏကထွာဒါႏ ကအောဝ်ႏမာꩻ သေထီႏအီ မီဒီယာ
|
ထွားလော် ပရေားစဲတ်ယို ပဉ်ဘာႏသာႏရပ်နေးစား
|
 ရပ်ဆုမ်ႏဒျာႏဩ
ကယွိုန်းခါꩻ[edit]ကယွိုန်းဒါႏ ပညာႏတာႏကထွာဒါႏ ကအောဝ်ႏမာꩻ သေထီႏအီ မီဒီယာ ယို ထွာနေး မာတန် နီရန်းလွေꩻ :
ပညာႏတာႏကထွာဒါႏ ကအောဝ်ႏမာꩻ သေထီႏအီ မီဒီယာ ယို ထော့ဖေႏခါꩻ မူလရန်းတွမ်ႏ အထိုရန်း (အထက်တန်းအဆင့်)၊ ကွဲးတွော့ꩻ တက္ကသိုလ်ႏအရန်း ယင်း ကျောင်ꩻအထန်ႏဖဲ့ꩻသားဖုံႏလဲ့ မာꩻအီအီးလꩻနေနေ။ ဖုဲင်ကင်းဖဲ့ꩻချာ[edit]ဒေက်စစ်တယ်ဖဲ့ꩻ ပညာႏတာႏကထွာဒါႏ လိတ်ရွီးခိုႏဖုံႏ ကတဲမ်းသားတာႏ ကအောဝ်ႏမော့ꩻဗာႏ အယပ်အခုဲင်ႏတန်တန်သွတ်ꩻနောဝ်ꩻ ထွာ ထူႏစူယိုꩻ ဝင်ꩻတဖေႏဗဲင်းခြေင်ခါꩻတောဝ်းဒါႏ ဥပဒေ ကတနꩻတောဝ်း ဓာတ်ပုံ ယောင်ꩻဆျောဝ်ႏဖုံႏရာသွူ။ အီလဲက်ထရွန်နေက် တွမ်ႏ နျꩻဗွို့ꩻနေး စေးလာႏလောင်း လိတ်ထေသားနီဖဲ့ꩻလို့ဖုံႏ အောဝ်ႏထောမ်ထွေ ပါကဒင်ႏထင်ႏထာꩻ အဉ်တာနဲတ်လောင်းဖုံႏ အောဝ်ႏအာငါႏမွေးတဲင် သဲန်ꩻခါꩻလꩻဥပဒေ (copyright မန်းနေးဟဲ့ꩻ မူပိုင်ခွင့်ဥပဒေ)အလꩻ ထာꩻနောဝ်ꩻစားဖုံႏယို လိုႏမာꩻဖေ့၊ လိုႏမာꩻစင်ထိုꩻ။ ပါကထူႏတခွန်ꩻနေး ကော်ပီဥပဒေကအောဝ်ႏဒါႏ ဓာတ်ပုံ ယောင်ꩻဆျောဝ်ႏဖုံႏ အောဝ်ႏဖျော်အာမွေး ကျောင်ꩻဖုံႏကို။[1] ယိုနောဝ်ꩻ ထွာ အဓိပ္ပယ် တအဲန်တောဝ်းဒါႏ ထာꩻတနꩻတဗာႏသွူ။ ထွာမုဲင်ꩻ အဓိပ္ပယ်အောဝ်ႏတောဝ်းနဲးတဲင် ကလဲန်းခိုႏချာ နေင်ႏဟာ နေင်ႏစာႏကိုဖုံႏခါ ကလꩻနွောင်ꩻဒါႏ ကတဲမ်းဟောဝ်နေး၊ မာꩻအီဆုဲင်ꩻချာတဲ့လꩻ၊ တုက်ꩻပန်းငါထဲင်းထဲင်းတဲ့ ကလꩻဒါႏ မီဒီယာ အရွီးအခိုႏဖုံႏ ထန်ႏအာမွေးမုဲင်းစွောန်ႏထာꩻ နောဝ်ꩻမꩻသွူ။ Wikimedia Commons ဖေႏခါꩻလဲန်း ဥပဒေစွို့ꩻ မာꩻအီဆုဲင်ꩻချာကလꩻဒါႏ၊ ကဖထန်ႏခေါးခါꩻဖေႏနေး ကဏ္ဍဖုံႏကို ဓာတ်ပုံ ယောင်ꩻဆျောဝ်ႏဖုံႏ ရော့ꩻတွမ်ႏ ဘာႏသာႏရပ်ဖဲ့ရာကို အောဝ်ႏလဲန်း ၂၅၀၀၀၀၀ တဲ့ရိုꩻ။ Flickr တုက်ꩻပန်းဖေႏခါꩻပါယင်း ဥပဒေ ကစွို့ꩻတနꩻဒါး ယောင်ꩻဆျောဝ်ႏခြွောန်း ၆၀ ၀၀၀ ၀၀၀၊ ရိုꩻစွောန်ႏ ဖထန်ႏတဲးဝါးဖေႏခါꩻနေးတောဝ်း ကဏ္ဍဖုံႏ ကရော့ꩻဒါႏ တွမ်ႏ ဘာႏသာႏရပ်ဖဲ့ꩻကိုဖုံႏဝယောဝ်း အောဝ်ႏမွေးလဲန်း တျာနောဝ်ꩻ။ မဉ်ႏမာꩻအီတွမ်ႏ အရွီးအခိုႏနောဝ်ꩻစားဖုံႏနောဝ်ꩻလဲင်ႏ ပါမုဲင်ꩻကဲး အီးမဉ်မာꩻအီအွီႏ ကော်ပီဥပဒေ ကတနꩻတောဝ်းဒါႏ ဓာတ်ပုံ ယောင်ꩻဆျောဝ်ႏတန်ဖုံႏ။ ပညာႏတာႏကထွာဒါႏ ကအောဝ်ႏမာꩻ သေထီႏအီ မီဒီယာ ထုမ်ႏထွားလွေꩻ ကအီးအွောန်ႏနယ် ပျဿနာႏယိုဗာႏ။ ကအီးထုမ်ႏထွား ကရော့ꩻဒါႏ မီဒီယာ ထွားသွောန်အီဖုံႏလောင်းတာႏတဲ့နောဝ်ꩻ၊ ဝင်ꩻကယီးအွောန်ႏနယ် ကတဲမ်းခြပ်ခါꩻဒါႏ အဉ်တာနဲတ် မီဒီယာ အွောန်ႏသေးဟောဝ်ခါꩻခင်ႏလမ်းဖုံႏတဲ့နောဝ်ꩻ၊ တွမ်ႏယင်း လိက်ရဲန်ႏ ကဖေႏခါꩻ ယောင်ꩻဆျောဝ်ႏဖုံႏလုဲန်သဲန်အစားမုဲင့်တာႏ ကခြုဲင်းနယ်ဖေႏ ဇျူတိုရီယယ်ဖုံႏရာတဲ့နောဝ်ꩻ ကမ်ပိန် ကအောဝ်ႏမာꩻယိုဗာႏ အီးသော့ꩻခြွောန်းခါꩻ မာꩻအီချာဆုဲင်ꩻလꩻ ယောင်ꩻဆျောဝ်ႏဖုံႏ ပဉ်ဖဲ့ꩻဖဲ့ꩻနေးသွူ။ မဉ်ႏဒေါ့ꩻစဲမ်းခြာတဲ့ ကမ်ပိန်ယို အီးထုမ်ႏဖေႏ ကအီးဖေႏသေငါꩻ သွောန်ပညာႏသားသီး ယမ်ကမာꩻအီမော် ဝီကီမီဒီယာ ကူမ်မွန်းဖုံႏ ကထွာအီဒါႏ ပညာတာႏဖဲ့ꩻကိုနုဲင်းနောဝ်ꩻသွူ။
မာလ်တီ သုဲတ် ထေအာႏထေရဲင်ꩻတဗာႏ[edit]ပညာႏတာႏကထွာဒါႏ ကအောဝ်ႏမာꩻ သေထီႏအီ မီဒီယာ ယို ထွာ ကတွိုႏစွောတ်ꩻဒါႏ ဝီကီတက္ကသိုလ်ႏ ပရေားစဲက် အဖတဗာႏ၊ အောဝ်ႏထုမ်ႏစမ်ႏစယ်ႏသွိုပ်မာꩻဖေႏလွေꩻတွမ်ႏ ပညာႏဖဲ့ꩻကထွာဒါႏ မီဒီယာ သုဲတ်လောင်းလင်ဖုံႏသွူ။ ယောင်ꩻဆျောဝ်ႏပွီဖုံႏ တွမ်ႏယင်း မွူးနီꩻတာႏ ဓာတ်ပုံ ယောင်ꩻဆျောဝ်ႏ[edit]ကမ်ပိန်သီး ယောင်ꩻဆျောဝ်ႏပွီဖုံႏကို ခိန်ႏခါယိုခါ ဝင်ꩻကလွိုက်ထူႏခါꩻနေးဒါႏ ယောင်ꩻဆျောဝ်ႏအောဝ်ႏသော့ꩻ ၁၀၄ ဗီႏ၊ ဖဖေႏခါꩻလွေꩻ ကထဲ့မဲန်ႏအီတွမ်ႏ ကျောင်ꩻသွောန်ဘာႏသာႏရပ် ၁၂ ဘာႏသာႏတာႏ၊ ယောင်ꩻဆျောဝ်ႏ ၁၀၀ နောဝ်ꩻ တဲမ်းခါꩻဖေႏပါနေး အခရာႏထွူ အွောန်ႏဖွို့ဖေႏပါက ကရော့ꩻပါယင်းဒါႏ ယောင်ꩻဆျောဝ်ႏ ၁၀၀၀ အရွီးအခိုႏဖုံႏတာႏ လဉ့်ခ်၊ နောဝ်ꩻမꩻ လိတ်သွောန်သား ရအီးသေငါꩻစဲင်းစဲ့ခြာ ထာꩻအထျꩻထျꩻဖုံႏသွူ။ ယောင်ꩻဆျောဝ်ႏ ၁၀၀ ယို ဖထန်ႏလွေꩻဖေႏပါခါꩻယင်းက လိတ်မဲ့ငါ ယဟန်ႏတဲင် အွောန်ႏထော့ဖေႏခါꩻဒါႏအီ အနီꩻနောဝ်ꩻတာႏ ယောင်ꩻဆျောဝ်ႏသွူ။ လိတ်မဲ့ငါ ကအွောန်ႏနယ်လူႏလုဲင်ႏနေးယိုစား မာꩻဖေႏ အွောန်ႏနယ်ခါႏလဲ့နေး ဝင်ꩻကထေဖေႏခါꩻ ယာႏဿာႏရပ် ၁၁ ဘာႏသာႏတာႏသွူ။
အနယ်ပညာႏ တန်တလာတဲင် ဒေက်စစ်တယ်ပညာႏတာႏကထွာဒါႏ အရွီးအခိုႏဖုံႏ အောဝ်ႏတေင်အာစွိုးသဲင်ꩻ။ အွောန်ႏအထျꩻ ကရီရောင် ယူနီဗာသီတီယိုဗာႏကိုကအောဝ်ႏဒါႏ အခေႏခံႏပညာႏ တောဝ်းလဲ့ ပညာႏအတဲင်ရန်း ၈၂ ထွောင်းကို ကအောဝ်ႏမာꩻအီ ဒေက်စစ်တယ်ပညာႏတာႏကထွာဒါႏ အရွီးအခိုႏဖုံႏ ကအွောန်ႏနယ်နောဝ်ꩻ : မဉ်ထွာ နမ်းတွမ်းနမ်းဒျာႏသꩻနောဝ်ꩻ ကျောင်ꩻသားမူႏခိုသီးဖုံႏ မည်မာအီအာ ဒေက်စစ်တယ် အရွီးအခိုႏဖုံႏ; ကျောင်ꩻသားဖုံႏ မည်ႏနွို့စမ်ႏ ဒေက်စစ်တယ် အရွီးအခိုႏဖုံႏနောဝ်ꩻ အွောန်ႏအထျꩻ ထုမ်ႏထွားအီနေးတွမ်ႏ အဲန်စဉ်ထုမ်ႏထွားအီ (search engine) ဖုံႏ ; ကအီးမာꩻအီ ဒေက်စစ်တယ်ပညာႏတာႏ အရွီးအခိုႏဖုံႏယို ကျောင်ꩻသားဖုံႏ ခွေါင်းနျꩻနေး ကူမ်ပျူတာ မာꩻ။ ကအီးလꩻဗာႏ မာအီအာသွတ်ꩻ ဒေက်စစ်တယ်ပညာႏတာႏ အရွီးအခိုႏဖုံႏယို ကေားဖေႏယောင်း ပညာႏဖဲ့ꩻတာႏသာႏဖုံႏ ဟောဝ်မာꩻဗွေဖေႏခါꩻ ဒေက်စစ်တယ် ပညာႏဖဲ့ꩻတာႏ အရွီးအခိုႏသီး ဝိသေသလက္ခဏာဖုံႏရာ ယင်း ကေားစမ်ႏသား ယမ်ကမဉ်မာꩻအီအာတာႏသွူ။ ထွားပါယင်း[edit]လိတ်မွောန်ဖုံႏ[edit] |