Technical writing overview ပအိုဝ်ႏ

ပွိုင်းဝွို့လွေꩻတဲမ်းအနယ်ꩻပညာႏ ကိဉ်းအာအာထာꩻဒါႏဖဲ့ꩻကေႏလယ်ႏမုပညာႏယို ပွိုင်းဝွို့လွေꩻတဲမ်းအနယ်ꩻပညာႏယဟန်ႏစွန်ꩻထီဖုံႏနောဝ်ꩻတဲ့ အောဝ်ႏလိုႏအာကသွူ။ သတင်ꩻအချက်အဗာႏကို သွုံꩻကျသိပ္ပံပညာႏတဲ့နောဝ်ꩻ၊စီႏမံႏကိန်ꩻဖန်းဖြယ်သားတွမ်ႏ ကစဲစ်ဆေꩻဒါႏတဲမ်းလိတ်စေးလာႏအနယ်ꩻဖုံႏယိုနောဝ်ꩻ ဝွေꩻသီးယို သျင်ꩻစဲင်းဗာႏထွူတဲင် ကလိုႏဒါႏဒွေါင်ႏဒွေါင်ႏဖြွောင်ႏဖြွောင်ႏနောဝ်ꩻ ပြဲ့ꩻဝဗာႏသွူ။ ပွိုင်းဝွို့လွေꩻတဲမ်းအနယ်ꩻပညာႏသားတဖြာꩻယို သွဉ်ပျꩻနယ်ဒျာႏတဲင် အဆုဲင်ꩻသွတ်ꩻကအီႏသွုံꩻသား ထွတ်ထေထန်ႏဒါႏအနယ်ꩻဖုံႏတွမ်ႏဖန်ဆင်ꩻမုဖုံႏသွူ။ စက်မုစူမုပညာႏတွမ်ႏစူခွုမ်ဖဲ့ꩻဆဲင်ႏရာꩻဆော့ဝဲလ် စူသဲမ်လိတ်အုတ် စက်မုစူမုပညာႏအွဉ်ႏနယ်တဖူꩻ ကွန်ပျူတာတွမ်ႏဆွိုက်သွယ်ႏရေꩻ ကူႏညီႏဖုံႏ။ ပွိုင်းဝွို့လွေꩻတဲမ်းအနယ်ꩻပညာႏနောဝ်ꩻ ထွာဒျာႏသꩻဖဲ့ꩻသွဉ်လွူꩻနမ်း၊ဖန်ဆင်ꩻထာꩻမာꩻခွင်ႏ၊တွမ်ႏလိုꩻပုဂ္ဂိုလ်ႏတဖြာꩻဖြာꩻကလိုႏဒါႏနီဖဲ့ꩻနီခဝ်မိတ်ဆွေႏသွꩻဟဝ်တွမ်ႏ အထီႏအဟွိုန်အာသားဖုံႏသွူ။ ယီးထွဉ်ႏအွဉ်ႏနယ်ဗာႏကွန်ပျူတာနုဲင်းမုဲင်ꩻ တားလဲ့လဲ့စူခွုမ်စက်ရွုမ်ꩻဖဲ့ꩻပညာႏသေနာႏဗာႏအာအာလွိုလွိုစွဉ်ႏဝင်ꩻနောဝ်ꩻစားတဲ့ နုဲင်းကိုယိုနောဝ်ꩻတလိုႏတောဝ်းကွဲးတွော့ꩻ အတသာကထေထန်ႏဒါႏသွဉ်ထူႏမုဖုံႏတွမ်ႏ သျင်ꩻပျနယ်လိုꩻလောင်းလင်တဲ့ ဖေႏကဒါႏတာႏလွူꩻခါဗာႏ မာꩻဒါႏစွန်ꩻအာႏယိုအဝ်ႏခါꩻဗာႏသွူ။ ယိုစားနောဝ်ꩻတဲ့ လွူꩻထွားအနယ်ꩻပညာႏခေတ်တသာ စူခွုမ်စက်ရွုမ်ꩻစပ်ဆွိုင်ꩻလို့ဝင်ꩻဖုံႏယိုနောဝ်ꩻ ဖျင်ဆင်ခါꩻနေးဗာႏတဲ့ ထွားဗာႏသတင်ꩻကိုကပါဒါႏအနယ်ꩻပညာႏ၊သွဉ်နယ်ဖေႏနေးတဲ့အဝ်ႏဒျာႏ တွမ်းတဲမ်းရောင်နေးတဲင် ဖေႏကထွာလွဉ်ပွိုင်းဝွို့လွေꩻအနယ်ꩻတဲမ်းကညာႏယံသားတဖြာꩻနောဝ်ꩻတဲ့ လွူးထန်ႏနွောင်ꩻဒျာႏသွူ။ အင်ဂျင်နီယာဖုံႏတွမ်ႏစက်မုစူမုပညာႏသျင်ႏဖုံႏ တွမ်ႏနားဟွိုန်စာကိဉ်းအာအာ အနယ်ꩻပညာႏဖုံႏ၊ထွတ်ထေစွန်ꩻအာႏတွမ်ႏထာꩻမာꩻရဲဉ်ႏဖုံႏယို တားလဲ့တဲမ်းလိတ်ပြွူႏဖြိုမုစွန်ꩻထီဖုံႏနောဝ်ꩻ ဖေႏကထွာလွဉ်ပွိုင်းဝွို့လွေꩻတဲမ်းအနယ်ꩻပညာႏသားနောဝ်ꩻ အောဝ်ႏနွောင်ꩻဝွေꩻသီးမာꩻနွောင်ꩻဒျာႏသွူ။ ပွိုင်းဝွို့လွေꩻတဲမ်းအနယ်ꩻပညာႏသားနောဝ်ꩻ ဖတ်လိတ်ဖုံႏတွမ်ႏသွဉ်ထူႏမုဖုံႏယို ပျောႏသွင်ႏခရာႏသွူ။ထွုမ်ႏတဲမ်းသာႏသာႏယာႏယာႏခွꩻသꩻစားဒျာႏ၊ထာꩻယူႏထာꩻထီႏတဲ့တဗွေပြဲ့ꩻဝတဝ်းရိုꩻကီလဲ့ တွမ်ႏပွုံႏစံႏအမျိုꩻမျိုꩻ ထူႏအခိန်ႏအာအာတဲင် ကမာꩻဒါႏလိတ်လုဲင်ꩻထာꩻမာꩻယို ဝွေꩻသီးစဲစ်ဆေꩻခြပ်ꩻချော်ꩻဖေႏဒျာႏသွူ။ဝွေꩻသီးတဲ့ဖန်ဆင်ꩻမုတွမ်ႏစီႏစဲဉ်ႏခြပ်ꩻရဲဉ်ႏဖေႏကဟဝ်နီဖဲ့ꩻနီခဝ်နောဝ်ꩻစားတဲ့ အောဝ်ႏဒျာႏသွူ။အရေꩻကီꩻသွတ်ꩻနောဝ်ꩻတဲ့ ဝွေꩻသီးနမ်းတွမ်ႏဝွေꩻသီးနမ်းကအွဉ်ႏဖေႏနောဝ်ꩻတဲ့ အရေꩻကီꩻယင်းဒျာႏအဆုဲင်ꩻသွတ်ꩻကသွုံꩻသား ထာꩻထီႏထာꩻယူႏဖုံႏဒျာႏသွူ။ သွဉ်တန်ꩻယိုနိဒါန်းတဲ့ ပွိုင်းဝွို့လွေꩻတဲမ်းအနယ်ꩻပညာႏအကို ကမ္ဘာႏလွုမ်းဆဲင်ႏရာꩻ ကိဉ်းအာအာ တွမ်ႏအရေꩻကီꩻငါႏထာꩻထီႏထာꩻယူႏဖုံႏယို အဝ်ႏလွံႏခါꩻဒျာႏသွူ။သွဉ်တန်ꩻယိုဆꩻချာအထူႏအဖေႏဧရိယာႏအွိုးအဆုံးယော့သွတ်ꩻကိုနောဝ်ꩻ ဗွိုန်နုဲင်းဒျာႏခတ်ကယ်ꩻစီꩻပွာꩻရေꩻစနစ်ဖုံႏ၊စီႏမံႏဖန်းဖြယ်လိတ်စေးလာႏသက်သေႏဖုံႏတွမ်ႏ အလင်ဆန်ꩻတသာကတူႏစဲဉ်ႏဖုံႏသွူ။ အနယ်ꩻပညာႏဆဲင်ႏရာꩻတဲမ်းလိတ်ဆရာႏဖုံႏ အုံဗော့ꩻထေ့ကပ်အနယ်ꩻတသာတဗာႏဗာႏနောဝ်ꩻ ထာꩻသေပညာႏဆေ့ꩻက အွိုးအကိုဖဲ့ꩻကိုခွုမ်စံႏမာꩻနယ်ꩻဖုံႏယို ဝွေꩻသီးအုံပွေါးထွားနဝ်ꩻစားသွူ။ဝွေꩻသီးနောဝ်ꩻတဲ့ တွမ်ႏဆော့ဖ်ဝဲလ်ဖုံႏဆွိုက်သွယ်ႏချာငါလို့ဝင်ꩻတဲင် လွူꩻထွားသွူအခါႏတွင်ꩻ ဝွေꩻသီးဆော့ဖ်ဝဲလ်ယိုကသွုံꩻဒါႏသားဖုံႏ သတင်ꩻအချက်အဗာႏကလိုႏအပ်နဝ်ꩻတဲ့ ဝွေꩻသီးအွဉ်ႏထွော့ဖေႏဒျာႏသွူ။ဝွေꩻသီးထာꩻမာꩻစီႏစဲဉ်ႏသားတွမ်ႏဖောက်သဲးခန်ဖုံႏ အဟဝ်သွတ်ꩻတဲ့ဆွိုက်သွယ်ႏဒေါ့ꩻရီနွောင်ꩻထွူတဲင် ဝွေꩻသီးအလောင်းအချက်အဗာႏဖုံႏယို ကရော်ဖက်ရှင်နယ်တွမ်ႏနမ်းပုဂ္ဂိုလ်ႏရေꩻဆဲင်ႏရာꩻပွုံႏစံႏနောဝ်ꩻတဲ့ ထေထန်ႏထူႏနွောင်ꩻဒျာႏသွူ။ အနယ်ꩻပညာႏဆဲင်ႏရာꩻတဲမ်းလိတ်ဆရာႏတဖြာꩻ အဓိကကိရိယာႏနောဝ်ꩻ ဘာႏသာႏငေါဝ်းငွါသွူ။ဗွိုန်နုဲင်းနောဝ်ꩻတဲ့ မိုက်ခရိုဆော့ဖ်ဝဲလ်၊FrameMaker တွမ်ႏ RoboHelpဖုံႏသွူ။တားလဲ့ဗွိုန်နုဲင်းဝီခီအခꩻအဲန်တွမ်ႏ ကဗွောင်ဒါႏဆော့ဖ်ဝဲလ်လိတ်စေးလာႏသက်သေႏအနီꩻအရင်ꩻဖုံႏယိုနောဝ်ꩻတဲ့ သာမညအနေးတဲ့ယူႏသော့ꩻဗာႏနဝ်ꩻစားသွူ။ဝွေꩻသီးလွူးနမ်းလွူးသက်သွဉ်တန်ꩻနောဝ်ꩻ၊အနယ်ꩻပညာႏတဲမ်းဆရာႏဖုံႏတဲ့နောဝ်ꩻ စီႏမံႏကိန်ꩻဆော့ဖ်ဝဲလ်အလင်တွမ်ႏကိရိယာႏဖုံႏယို သွဉ်ထူႏလွူꩻထွားထွူတဲင် သွဉ်ဖေႏပါယင်းလိုꩻအလောင်ႏလင်သွူ။ တကမ္ဘာႏလွုမ်းတဲ့ ပွိုင်းဝွို့လွေꩻတဲမ်းအနယ်ꩻပညာႏသားလိုႏအပ်အဗာႏနဝ်ꩻတဲ့ အသန်မွေးထာꩻသွူ။သွုံလွေꩻဒျာႏတွမ်ႏအင်္ဂလိပ်ငေါဝ်းငွါဘာႏသာႏသွူ။ဆော့ဖ်ဝဲလ်ကုမ္မဏီႏဖုံႏတဲ့ ဝွေꩻသီးထွတ်ထေထန်ႏကွန်ႏဖုံႏအနယ်ꩻပညာႏဆဲင်ႏရာꩻတွမ်ႏ ကသွုံခွုမ်စံႏကလိုႏဒါႏလိတ်စေးလာႏလိတ်မုဲင်ဖုံႏယို တညာꩻငါႏတဝ်းအနာႏဂါတ်အတာႏ ဝွေꩻသီးဆွိုက်ငါခွုမ်မာꩻဆောင်ႏရွပ်လွေꩻဒျာႏသွူ။ အနယ်ꩻပညာႏဆဲင်ႏရာꩻတဲမ်းလိတ်ဆရာႏဖုံႏ ကအီႏလꩻဗာႏ တခါငွါခင်ႏကာတရန်း ထာꩻမောင်ꩻကော့ꩻ တားလဲ့ယပ်ခုဲင်ႏတန်သွူ။ထာꩻမာꩻဗွေႏသားအအာသွတ်ꩻနောဝ်ꩻတဲ့ အနယ်ꩻပညာႏဆဲင်ႏရာꩻထာꩻသေပညာႏတွမ်ႏပျꩻသရုပ်အခွဲအကျုံႏဖုံႏယိုအဝ်ႏထွုမ်ႏရောင်သွူ။သွဉ်တန်ꩻယိုထွူသွတ်ꩻတဲ့ ကထွူလွေꩻအတွိုင်ꩻ စီႏမံႏကိန်ႏအာအာဖုံႏယို ဖန်ဆင်ꩻတွမ်ႏအနယ်ꩻပညာႏဆွိုက်သွယ်ႏရေꩻတဲင် လွူးနမ်းလွူးသက်တဗာႏအတာႏတဲ့ ဗွောင်ခါꩻဖေႏဒျာႏသွူ။ အနယ်ꩻပညာႏဆဲင်ႏရာꩻတဲမ်းလိတ်ဆရာႏယံတဖြာꩻ အရေꩻကီꩻကလိုႏအပ်နောဝ်ꩻ ကေႏလယ်ႏမုတွမ်ႏလက္ခဏာႏအဝ်ႏ(၆)ဗာႏသွူ။ ၁။အထွေထွေတဲမ်းနွောင်ꩻစွန်ꩻ အရေꩻကီꩻသွတ်ꩻထာꩻကေႏလယ်ႏမုနောဝ်ꩻ လိတ်စဲဉ်ႏလိတ်ရဲဉ်ႏဆွာꩻဆွာꩻဖုံႏယို အယိုꩻသွတ်ꩻအနေႏဖေႏကတဲမ်းနွောင်ꩻဗာႏသွူ။ကေႏလယ်ႏမုယိုနောဝ်ꩻ NaNoWriMoအကိုစံꩻနွောင်ꩻဒျာႏသွူ။ပေါင်ꩻလိတ်ဖြုံႏတွမ်ႏသဒ္ဒါႏဖေႏကမဲဉ်ႏတဲ့ သွုံꩻဗာႏသေႏချာႏမꩻ(လိတ်စေပွယ်ꩻနောဝ်ꩻ လက်ခံႏဒျာႏပေါင်ꩻလိတ်ဖြုံႏမဲဉ်ႏဒါႏ အဖြေႏဖုံႏသွူ။)။ ၂။စွဲးကမ်းဖေႏတွမ်ႏအနယ်ꩻပညာႏ အနယ်ꩻပညာႏဖုံႏယို ခွုမ်နွောင်ꩻစွန်ꩻထီအဝ်ႏဗာႏသွူ။သိပ္ပံပညာႏတဗာႏဗာႏကာထင်ႏလွေꩻရေႏထွူလဲဉ်းတဲင် ဆဲလ်ဖုံႏတားလဲ့အက်တမ်အကိုဖဲ့ဆဲင်ႏရာꩻအဗာႏထေင်းထံႏမာꩻဖုံႏယို သီသေနွောင်ꩻစွဉ်ႏသွူ။တားလဲ့သေနာႏထွူဝဘ်တဲင် ကုဒ်အဓိပ္ပာယ်ႏပြန်ႏအနယ်ꩻဖုံႏနဝ်ꩻတဲ့သေနွောင်ꩻသွူ။နဝ်ꩻစားမွေးတားလဲ့ အကျောင်ꩻခရာႏနုဲင်းမုဲင်ꩻစားယို ထေင်းထမ်ႏမာꩻလွေꩻကရိုꩻနောဝ်ꩻမဲဉ်သေစံꩻဗာႏသွူ။သꩻဓာတ်တလာလာအဝ်ႏတဲ့ နီတသေနာႏတဝ်းအနယ်ꩻပညာႏဖုံႏယို လွူꩻထွားနွောင်ꩻဒျာႏသွူ။သျုတ်သျုက်ဒါႏစနစ်အကျောင်ꩻခရာႏဖုံႏနောဝ်ꩻတဲ့ နမ်းကိုႏပဲင်ႏလွူꩻထွားချာမꩻအာႏရကျိုက်သꩻသွူ။ကွပ်ထာꩻသေနာႏယိုတဲင် တနီꩻတာႏအသွတ်ꩻနောဝ်ꩻ ဆုလာဘ်တဗာႏကထွာဒါႏ အောင်ႏမျင်ႏမုတွမ်ႏ ထာꩻသေပညာႏယို ထူႏသဲမ်ဖေႏလွဉ်ဒျာႏသွူ။ ၃။တဲမ်းနွောင်ꩻသွော့အသျင်ꩻသွတ်ꩻ အနယ်ꩻပညာႏဆဲင်ႏရာꩻ ဆွိုက်သွယ်ႏဒေါ့ရီသားတွိုင်ꩻ တအဝ်ႏတဝ်းတထွာတဝ်းကလိုႏဒါႏကေႏလယ်ႏမုဖုံႏနောဝ်ꩻ ပꩻဖြယ်လို့ဝင်ꩻဖုံႏဒျာႏသွူ။အဓိကထာꩻမာꩻတဲ့ ကသျုတ်သျက်ငါႏအခꩻရာႏဖုံႏယို လွူꩻထွားထွူတဲင် သျင်ꩻတလျင်ꩻသွတ်ꩻဖေႏကထွာ လိုႏသျင်ꩻပျꩻနယ်သွူ။သေနာႏတားကွို့ꩻသျင်ꩻပျနယ်ချက်အဗာႏနောဝ်ꩻအကျောင်ꩻ ထွာထိုꩻနဝ်ꩻစားတဲ့တလꩻတဝ်းသွူ။တဲမ်းသွူအကျောင်ꩻခရာႏတဗာႏဗာႏနောဝ်ꩻ ကဒေါ့ꩻဝွေꩻအကျောင်ꩻယို ထွားတဗန်ႏလို့ဝင်ꩻတဲင် ယိုဖုံႏနောဝ်ꩻတဲ့သေနာႏဖေႏကသေႏချာႏတဲ့လိုႏငါႏသွူ။အဆွာꩻတရွာꩻငါႏငေါဝ်းဖုံႏတွမ်ႏတယ်ႏဆို့ꩻဝါကျဆွာꩻဖုံႏတဲ့ လဲ့ꩻညာꩻထိုꩻဗာႏသွူ။မတ်နေးအဒွေါင်ႏနေးတဲင် ခွုမ်စံႏသားမဉ်ႏသေလဲဉ်းတဲ့ သျောင်ႏဗာႏသွူ။ ၄။ထာꩻယူႏဖုံႏတဲ့ အထီအသွီႏအဝ်ႏဗာႏ အနွောင်ꩻသွတ်ꩻတဗာႏထာꩻယူႏထာꩻစိက္ကူꩻဖုံႏယို အွဉ်ႏနယ်လွေꩻသွော့အသျင်ꩻသွတ်ꩻတဗာႏနေား။တွမ်ႏထာꩻထီႏအာႏရွုံႏဆွိုက်သွယ်ႏဒေါ့ꩻရီနောဝ်ꩻစားမꩻလိုꩻဖုံႏကွဲသေနာႏပိုႏသွူ။ပွုံႏဖုံႏနောဝ်ꩻတဲ့ သီအတဲမ်းအမုဲင်အတာႏ သျင်ꩻလျင်ꩻသွတ်ꩻတဲ့ကူႏညီႏဖေႏဒျာႏသွူ။ ၅။ဖြေႏသျင်ꩻပျဿနာႏသꩻဆွာꩻသယ်ႏခံႏဗာႏ သဆွာꩻထာꩻသယ်ခံႏမဉ်ႏတအဝ်ႏတဝ်းနဝ်ꩻ မုဲင်ꩻခါစွဉ်ႏလဲ့အီႏမာꩻတမွေးတားသွူ။ITထာꩻမာꩻအာအာနဝ်ꩻတဲ့ ဖြေႏသျင်ꩻပျဿနာႏဖုံႏအဝ်ႏပါသော့ꩻဒျာႏသွူ။ဖြေႏသျင်ꩻပျဿနာႏဖုံႏယို ထင်းဒျာႏရတထွာနွောင်ꩻတားဒွုမ်နဝ်ꩻ အွဉ်ႏသꩻဆွာꩻသꩻခိꩻခိꩻတဲင် ဖြေႏသျင်ꩻနွောင်ꩻယင်းနဝ်ꩻ အံအောႏခရာႏသွူ။ ၆။တွမ်ႏSMEs(ဘာႏသာႏဆဲင်ႏရာꩻကေႏလယ်ႏသား)မာꩻဖေႏနွောင်ꩻချာငါလို့ဝင်ꩻအကျိုꩻ SMEsဖုံႏတွမ်ႏဆွိုက်သံႏချာငါလို့ဝင်ꩻ အနယ်ꩻပညာႏဆဲင်ႏရာꩻယို အတဲမ်းအမုဲင်ဖုံႏသေအွဉ်ႏသတိသွတ်ꩻတောဝ်း ကေႏလယ်ႏမုတဗာႏဒျာႏသွူ။သီလိတ်လာႏလိတ်မုဲင်အတာႏ အရေꩻကီꩻငါႏဗဟုသုတအဝ်ႏသားဖုံႏပဲင်ႏချာꩻအွဉ်ႏထွော့ဖေႏထွူတဲင် အင်တာဗျူးတဲ့မာꩻနွောင်ꩻဗာႏသွူ။ဖေႏကထေထန်ႏနွောင်ꩻအချက်အဗာႏ လွေꩻလွဉ်ꩻဝင်ꩻဆꩻချာနောဝ်ꩻ ဝင်ꩻသꩻခရာႏမွေးတဝ်း၊ထွူတွော့ တွမ်ႏအနယ်ꩻပညာႏဆဲင်ႏရာꩻ တဆဲင်ႏစပ်တဝ်းငေါဝ်းရီဖုံႏယို ရီနွောင်ꩻခန်းစွဉ်ႏလဲ့ ထူႏဂွုဏ်ႏတလꩻတဝ်းသွူ။အုံဗော့ꩻအုံတွိုက်ꩻ SMEsထျꩻနောဝ်ꩻ ကံႏဟဝ်ငါႏဆွိုက်သံႏရေꩻအလွေꩻအသဲင်ꩻတဲ့ ထွာဒျာႏသွူ။ ပွိုင်းဝွို့လွေꩻတဲမ်းအနယ်ꩻပညာႏအခေႏခံႏ နေးသွုံꩻတွမ်ႏနျꩻပွုံႏယီးစူရွေꩻတဲင် ဖန်ဆင်လွေꩻထာꩻမာꩻရဲဉ်ႏမုဲင်ꩻတရိုꩻတဝ်း တွမ်ႏငေါဝ်းငွါမုဲင်ꩻတရိုꩻတောဝ်း ထူႏသွုံꩻနွောင်ꩻဒျာႏသွူ။ဗွိုန်နုဲင်းOpen Office တွမ်ႏLibre Office ထွာအခꩻအဲန်တဲင် အနီအရင်ꩻဆော့ဖ်ဝဲလ်အာနောဝ်ꩻ ဟဝ်ခန်းစွဉ်ႏလဲ့ Msငေါဝ်းတွမ်ႏAsobe FrameMaker နုဲင်းယို ခွုမ်သဲန်ꩻစူကိရိယာႏဖုံႏတွမ်ႏ အခွအကျုံႏဖေႏကအဝ်ႏတဲ့ထာꩻမာꩻဗွေႏသားနောဝ်ꩻ အဝ်ႏမောင်ꩻကော့ꩻသီနဝ်ꩻစားသွူ။ အွန်လိုင်းအကျောင်ꩻခရာႏ၊အကူႏအညီႏဖုံႏအတာႏ ဗွိုန်နုဲင်းRoboHelpခွုမ်သဲန်ꩻစူထာꩻမာꩻရဲဉ်ႏတဗာႏ တားလဲ့ခွုမ်စံႏလိတ်မဲ့ငါတဗာႏအတာႏ တဲမ်းဝဘ်ကိရိယာႏဖုံႏယို သီထူႏသွုံꩻနွောင်ꩻဒျာႏသွူ။ကခွုမ်စံႏသားကရေꩻလွေꩻအွဉ်ႏနယ်ချက်အဗာႏဖုံႏ ပသာဖေႏနွောင်ꩻအတာႏ ပမာႏဗွိုန်ဝီခီပလပ်ဖောင်းဖုံႏယို ထူႏသွုံꩻနွောင်ꩻနုဲင်းမုဲင်ꩻကရိုꩻနောဝ်ꩻတဲ့ လွူꩻထွားနွောင်ꩻတာႏ နီသွဉ်းသီးဖေႏဗာႏအကျံႏဥာဏ်ႏနဝ်ꩻစားသွူ။ အနယ်ပညာႏဆဲင်ႏရာꩻ ဆွိုက်သံႏရေꩻ အနယ်ꩻပညာႏဆဲင်ႏရာꩻဆွိုက်သွယ်ႏရေꩻထွတ်ထေထန်ႏသဖော်ꩻသဘာႏဝဖုံႏယို ဖေႏကသေႏချာႏနောဝ်ꩻ ကာစခင်ႏကာတွမ်ႏသတင်ꩻအချက်အဗာႏ ပြွူႏဖြိုထင်ႏထိုရေꩻထာꩻမာꩻရဲဉ်ႏဖုံႏတဲင် ကွပ်နဝ်ꩻမꩻပရိသတ်တွမ်ႏဝွေꩻသီးအခါႏ ထင်ႏသျာꩻသွတ်ꩻဖောႏထေဗာႏထွူတွော့ꩻ အဝ်ႏလိုႏငါႏသတင်ꩻအချက်အဗာႏဖုံႏသွူ။ နောဝ်ꩻကိုနောဝ်ꩻအနယ်ꩻပညာႏဆွိုက်သွယ်ႏမုဆဲင်ႏရာꩻ သုတေသနတွမ်ႏထွို့ꩻဗူႏပွုံႏစံႏအကျောင်ꩻခရာႏဖုံႏယို ပြွူႏဖြိုထင်ႏထိုမုစောက်စဲက်ဖေႏကထွာနဝ်ꩻ အွဉ်ႏနယ်ဖေႏတဖူꩻ မူဘောင်တဗာႏဒျာႏသွူ။နောဝ်ꩻစားအနေႏဖန်ဆင်ထွတ်ထေထန်ႏဖေႏ သတင်ꩻအချက်အဗာႏဖုံႏသွူ။အဓိကအကျောင်ꩻခရာႏကထွာဒါႏကဝ်ႏထွန်ႏတွမ်ႏ ရေႏရွယ်ႏချက်ဖုံႏလဲ့ အသေႏချာႏသွတ်ꩻ၊အသျင်ꩻသွတ်ꩻတဗာႏလဲ့သေနာႏနွောင်ꩻသွူ။ပရိသတ်သီးကဖေႏလွဉ်ဒါႏအချက်အဗာႏဖုံႏနောဝ်ꩻ ပရိသတ်သီးကလိုႏအပ်သွတ်ꩻအခရာႏဖုံႏယို ထဲ့မဲန်ႏဗဲက်လို့ဝင်ꩻသွူ။ ကမဲဉ်ရိုꩻနောဝ်ꩻတဲ့ လိတ်လာႏလိတ်မုဲင်စီႏမံႏကိန်ꩻအတွိုင် အဆေ့ꩻသွတ်ꩻအရန်းတဲ့အဝ်ႏသေႏသေႏဗာႏသွံရန်းသွူ။ ပꩻဖြယ်အွဉ်ႏထွော့သွော့ပရိသတ်၊ ထွုမ်ႏထွားထွူအကျောင်ꩻခရာႏဖုံႏ တယ်ႏဆို့ꩻသွော့၊ သေႏချာႏထွူတဲင်သေနာႏသဖော်ꩻဗွောင်သွော့။ အနယ်ꩻပညာႏဆွိုက်သွယ်ႏရေꩻဒေါ့ꩻငဝ်းဝဲင်ꩻ ကခွုမ်စံႏသားတွမ်ႏအနယ်ꩻပညာႏဆဲင်ႏရာꩻ တဲမ်းလိတ်ဆရာႏသီးအခါႏ အနယ်ꩻပညာႏဆွိုက်သွယ်ႏရေꩻယို ဖောႏနယ်ပျꩻဖေႏဒျာႏ ဒေါ့ꩻထန်ႏသားတဲင်တဲမ်းလိတ်သားကခွုမ်စံႏဒါႏငေါဝ်းရီဖုံႏယို ခတ်ကယ်ႏရံꩻဗာႏသွူ။နုဲင်းRobbins ကဒေါ့ꩻနဝ်ꩻတဲ့ ယလဲင်ႏလဲင်ႏကခွုမ်စံႏသား တားလဲ့အောဝ်ႏဆန္ဒမဲးသားအီႏရီရောင်တဲင် မဲဉ်ႏစွို့ꩻငေါဝ်းရီဖုံႏယို တသေနွောင်ꩻတောဝ်းသွူ။အခေႏနေႏမျိုꩻနဝ်ꩻစားနောဝ်ꩻ ဝွေꩻသီးငေါဝ်းရီအတာႏစဉ်ꩻစာꩻထွူတွော့ꩻ ယိုဖုံႏဖြေႏစံꩻရီးသွော့နေား။ဒေါ့ꩻရီးငေါဝ်းအစသားယို ဝွေꩻသီးဖေႏကဗော့ꩻသꩻနေးနဝ်ꩻစားလဲ့ ဝွေꩻသီးစီႏစဲဉ်ႏပဲင်ႏချာꩻဖေႏဒျာႏသွူ။ နဝ်ꩻထွူယူႏလꩻသွော့နေား။နီလိုꩻသီးအွဉ်ႏထွော့အွဉ်ႏသဝ်ခါꩻအခိန်ႏအဝ်ႏတားသွူ။ဖေႏကလꩻဝွေꩻသီးအဖြေႏတဲ့ ဒေါ့ꩻငေါဝ်းဝဲင်ꩻအကိုယို အလိုမ်းကိုမ်ႏအခိန်ႏတဗာႏနဝ်ꩻတဲ့ ရအဝ်ႏပါသော့ꩻဒျာႏသွူ။ကွပ်နဝ်ꩻမꩻ အခိန်ႏမဲဉ်ႏတဲ့နောဝ်ꩻ၊မွေးတားတဲ့နောဝ်ꩻ ဆွိုက်သွယ်ႏမုလို့လို့ဖုံႏယို တိဉ်ႏတွော့ခြုဲင်းစဲင်းတာႏတွမ်ႏတွိုႏသꩻတာႏလဲ့ လိုႏငါႏသွူ။ကခွုမ်စံႏသားမဉ်ႏထီႏသွူနောဝ်ꩻ ဝွေꩻသီးအတာႏသထာꩻခိုးလျားကထွာအီလိတ်ယာႏဖုံႏယို တွမ်ႏဖေႏအာမွိုန်းတဝ်းသွူ။ ကွပ်ပွိုး Lindsey Robbins ခွင်ꩻအလꩻတဲင် ဝွေꩻမူႏတဲမ်းထန်ႏပြန်ႏနယ်နျꩻပွုံႏနေးဖေႏသွူ။ အနယ်ꩻပညာႏဆွိုက်သွယ်ႏရေꩻကရိုꩻနောဝ်ꩻ ကခွုမ်စံႏသားတွမ်ႏတဲမ်းဆော့ဖ်ဝဲလ်သားအခါႏ အနယ်ꩻပညာႏတဲမ်းလိတ်ဆရာႏဖုံႏယို တဲမ်းဘာႏသာႏပြန်ႏဖေႏတဲင် ထွာဘာႏသာႏပြန်ႏထာꩻမာꩻဒျာႏသွူ။ပွိုင်းဝွို့လွေꩻတဲမ်းအနယ်ꩻပညာႏသားသီး ထေကွန်ႏဖုံႏယိုသွုံꩻလွေꩻအနယ်ပဲက်သဲက်ဝင်ꩻတဲင် ကခွုမ်စံႏသားနောဝ်ꩻ အောဝ်ႏကုမ္မဏီႏသျင်ႏပျနယ်ဖေႏဒျာႏနဝ်ꩻမꩻ သေနာႏဒျာႏသွူ။ကွပ်နဝ်ꩻမꩻအနယ်ꩻပညာႏတဲမ်းဆရာႏသီး ခွုမ်စံႏသားတွမ်ႏကုမ္မဏီႏအခါႏဆွိုက်သွယ်ႏရေꩻအကွာႏဝင်ꩻဖုံႏယို အွဉ်ႏဆွိုင်ꩻဖေႏတွမ်ႏတထာသွူ။ ပွိုင်းဝွို့လွေꩻတဲမ်းအနယ်ꩻပညာႏဒဏ္ဍာရီ နုဲင်းရွမ်ဖြုဲင်တပုဒ် Tom Johnson နောဝ်ꩻပဲက်သဲက်တွမ်ႏအနယ်ꩻပညာႏအတဲမ်းအမုဲင်ဖုံႏယို တွမ်ႏထာꩻယူႏဒဏ္ဍာရီအာအာနဝ်ꩻ အနယ်ꩻပညာႏဆရာႏတဖြာꩻအဝ်ႏထွိုက်အထီအသွီႏဖုံႏယို ဝွေꩻတလက်ခံႏတဝ်းသွူ။ အထွာအအာသွတ်ꩻထာꩻယူႏဒဏ္ဍာႏရီဖုံႏတဲ့ ဝွေꩻယွုမ်းဒျာႏသွူ။ တဲမ်းလိတ်ဆရာႏသီးအာသွတ်ꩻအခိန်ႏနောဝ်ꩻ တဲမ်းရောင်လိတ်သွူ။သီထျꩻအနယ်ꩻပညာႏဆဲင်ႏရာꩻပွုံႏစံႏနမူႏနာႏဖုံႏ မဉ်ႏအဝ်ႏတားနဝ်ꩻ တဲမ်းအနယ်ꩻပညာႏအကို တလꩻနွောင်ꩻတဝ်းထာꩻမာꩻရိုꩻလဲ့ တဲမ်းအနယ်ꩻပညာႏဆဲင်ႏရာꩻတထွူသွတ်ꩻတားလဲ့ သီထျꩻနောဝ်ꩻနမူႏနာႏငါတဲ့တအဝ်ႏတားသွူ။နေင်ႏပေါင်ꩻညဆွာꩻအခွဲအကျုံႏအဝ်ႏဒါႏ တဲမ်းအနယ်ꩻပညာႏဆရာႏတွမ်ႏအခွဲအကျုံႏဆေ့ꩻနေင်ႏတဲမ်းလိတ်ဆရာႏဖုံႏယို ဗဟုသုတတဲ့ကွာႏ လွိုကယ်ဒွိုန်းကဝင်ꩻသွူ။သီကသေဒါႏကိရိယာႏဖုံႏနောဝ်ꩻ သီထာꩻမာꩻလွိုကယ်ꩻကထာꩻသေပညာႏကရိုꩻနောဝ်ꩻ အရေꩻကီꩻငါႏသွူ။ အွဉ်ႏသတိသွော့ကစီႏခါꩻဒါႏလိတ်ဖုံႏနေား။ထာꩻမာꩻဗွေႏသားကားကအဝ်ႏလို့လို့ ထီႏနွောင်ꩻထွားနွောင်ꩻဒျာႏ Google ကိုသွူ။ပွိုင်းဝွို့လွေꩻတဲမ်းအနယ်ꩻပညာႏသားပညာႏသျင်ႏနောဝ်ꩻ စပ်ဆွိုင်ꩻတွမ်ႏလွူးနမ်းလွူးသက်ယိုဖျတ်ထဲ့ထိုထွူတဲင် ပဲက်သဲက်တွမ်ႏခွုမ်စံႏအနယ်ꩻပညာႏဆဲင်ႏရာꩻအတဲမ်းအမုဲင်ဖုံႏယို အချောꩻအကျံႏဥာဏ်ႏတဲ့အဝ်ႏသွူ။အနယ်ꩻပညာႏဆဲင်ႏရာꩻအတဲမ်းအမုဲင်ယို အငေါဝ်း တားလဲ့ ဟန်လောင်ႏလွိုးတအဝ်ႏနွောင်ꩻတဝ်းသွူ။ရေႏရွယ်ႏချက်တဲ့အဝ်ႏဗာႏ။အဒွေါင်ႏသွတ်ꩻအဖြွောင်ႏသွတ်ꩻတဲ့ ယိန်းယံသွူ။ အနယ်ꩻပညာႏတဲမ်းဆရာႏဖုံႏနောဝ်ꩻ ခွုမ်စံႏသားဖုံႏယို ဆွိုက်သွယ်ႏတောက်ꩻနေးတဲ့အခွင်ꩻအဝ်ႏတားသွူ။ထေကွန်ႏမန်နေဂျာ၊ဖောက်သဲႏစွဲးကမ်းဖုံႏတွမ်ႏထွုမ်ႏယင်းစီꩻပွာꩻရေꩻအခန်နဝ်တရန်း ဝွေꩻသီးအချက်အဗာႏဖုံႏယို လိုႏထူႏလꩻငါႏသွူ။မဉ်ႏလွူꩻထွားအနယ်ꩻပညာႏဖုံႏ တားလဲ့ခွုမ်စံႏကိရိယာႏဖုံႏယို လိုႏအပ်ဒါႏဖောမတ်ဖုံႏကားကအဝ်ႏနောဝ်ꩻ အနီꩻအရင်ꩻအထျꩻအကျောင်ꩻခရာႏတဗာႏဗာႏတဲ့ မာꩻနွောင်ꩻဒျာႏသွူ။မဲဉ်ထွာအနယ်ႏပညာႏဆဲင်ႏရာꩻ တဲမ်းအယံသွတ်ꩻလိုꩻတဖြာꩻနောဝ်ꩻ ပနဲးကေႏလယ်ႏမုဗာႏသွူ။ထွားရွမ်ဖြုဲင်ကိုယိုနေား သေနွောင်ꩻဒျာႏသွူ။ အနယ်ꩻပညာႏတဲမ်းသား ဆွိုက်သွယ်ႏဖေႏသွော့ထာꩻစိက္ကူꩻ ဒီဇိုင်းပွုံႏစံႏအချက်အဗာႏ နွို့ပါသွော့ထေကွန်ႏပြွူႏဖြိုထင်ႏထိုရေꩻထာꩻမာꩻစဲဉ်ႏ၊ သျုတ်သျက်ငါႏလိတ်လာႏလိတ်မုဲင်စီႏမံႏကိန်ꩻယို စီႏမံႏဖန်းဖြယ်ဗာႏ။ ဆော့ဖ်ဝဲလ်အနယ်ꩻပညာႏဆဲင်ႏရာꩻ တဲမ်းဆရာႏဖုံႏနောဝ်ꩻ တဲမ်းထွို့ဆော့ဖ်ဝဲလ်သားတွမ်ႏ အသွတ်ꩻခွုမ်စံႏသားအခါႏ ဆွိုက်သွယ်ႏရေꩻအတာႏတဲ့ ဝွေꩻသီးအဝ်ႏထူႏတာႏဝွန်ႏဒျာႏသွူ။ တဲမ်းစီꩻပွာꩻရေꩻစွန်ꩻထီနောဝ်ꩻ အနယ်ꩻပညာႏတဲမ်းသားအတာႏတဲ့ ခွုမ်ႏစံလꩻငါႏသွူ။ပွိုင်းဝွို့လွေꩻအနယ်ꩻပညာႏကားကအဝ်ႏ တဲမ်းသျင်ꩻတလျင်ꩻမဲန်ႏဗဲက်ထွူတဲင် ဆွိုက်သွယ်ႏနွောင်ꩻဟဝ်ဟဝ်ဗာႏ တွမ်ႏကေႏလယ်ႏသားဖုံႏသွူ။ဝွေꩻသီးနယ်ႏပုဲင်ႏနဝ်ꩻအတန်တန်တဲင် အွဉ်ႏထွော့တဲ့ယပ်ꩻတန်သွူ။ကွပ်နဝ်ꩻမꩻသွဉ်တန်ꩻယိုနောဝ်ꩻ ဆော့ဖ်ဝဲလ်စက်မုထာꩻမာꩻအတာႏ အနယ်ꩻပညာႏဆဲင်ႏရာꩻအတဲမ်းအမုဲင်အလောင်းဖုံႏယို အဓိကအာႏရုံႏအဝ်ႏဗာႏတလီးသွူ။ အတန်ꩻပေႏတဲမ်းအနယ်ꩻပညာႏဆရာႏဖုံႏနောဝ်ꩻ ဆꩻလလိတ်ယာႏလိတ်မုဲင်အမျိုꩻမျိုꩻဖုံႏ ဝွေꩻသီးထေထန်ႏသွူ။ ထေကွန်ႏဘရိုရှာဖုံႏ၊ဝဘ်ဆိုက်ဖုံႏတွမ်ႏဆော့ဖ်ဝဲလ်အကျိုꩻကေꩻဇူꩻဖုံႏ၊သျင်ꩻပျနယ်ဖြေꩻထူႏသားအလင်အခန် ထွုမ်ႏထွားအခန်ကိရိယာႏဖုံႏသွူ။ (အွဉ်ႏနယ်တဖူꩻခွုမ်စံႏသား)စူသဲမ်ဖုံႏ၊ကျူတိုရီရယ်ဖုံႏတွမ်ႏဆော့ဖ်ဝဲလ်ဖုံႏယို လွူထွားဒါႏခွုမ်စံႏတသာဖုံႏအွဉ်ႏနယ်ဖေႏအနယ်ꩻ၊ ခွုမ်စံႏမာꩻလွေꩻစာႏရင်ꩻအရန်းရန်းဖုံႏသွူ။ စီႏမံႏဖန်းဖြယ်ဆော့ဖ်ဝဲလ်သားတွမ်ႏ အခွဲအကျုံႏအဝ်ႏခွုမ်စံႏသားဆော့ဖ်ဝဲလ်ဖုံႏယို ပွိုင်ဆင်ထွူဗာႏနုဲင်းမုဲင်ꩻ၊ပျꩻနယ်ဖြေႏသျင်ꩻဗာႏပျဿနာႏသဖော်ꩻပွိုင်ဆင်တွမ်ႏဖျင်ဟဝ်သိမ်ꩻဗာႏအနယ်ꩻတဖူꩻဖုံႏသွူ။ သီလွူးနမ်းလွူးသက်နောဝ်ꩻ ထင်ႏထိုလွဉ်အရန်းထိုကီကီတဲ့ အရန်းထိုကီထဲင်းဒါႏလိတ်လာႏလိတ်မုဲင်ဖုံႏယို တဲမ်းလွေꩻနောဝ်ꩻမဲ့ထီႏဗာႏဒျာႏသွူ။ (အွဉ်ႏထွော့အဗာႏအနယ်ꩻပညာႏ)ကေားကခွုမ်ႏစံႏဆော့ဖ်ဝဲလ်းသားဖုံႏကလိုႏအပ်ချက်ဖုံႏ၊ကဝ်ႏထွန်ႏဖုံႏတွမ်ႏအသောင်အရင်ꩻ ထူႏဒင်ႏခါꩻမတ်တန်ꩻနုဲင်းမုဲင်ꩻဖုံႏကရိုꩻ အွဉ်ႏထွော့ဗာႏအချက်ဖုံႏသွူ။ ထွို့ꩻဒီဇိုင်းပွုံႏစံႏစနစ် ခွုမ်စံႏလွေꩻဖုံႏယို ကပျꩻနယ်ဒါႏခွိုန်ꩻသဲင်ꩻချာငါလို့ဝင်ꩻလိတ်လာႏလိတ်မုဲင်ဖုံႏသွူ။ ထိန်ꩻထွားခါꩻဗာႏ စီႏမံႏကိန်ꩻစံခိန်ႏစံယီးဖုံႏ၊ထွို့ꩻဗူႏမုပွုံႏစံႏဖုံႏတွမ်ႏ အခိန်ႏဇယားဖုံႏ တွမ်ႏထာꩻမာꩻတာႏဝွန်ႏဖုံႏအလောင်း ဆွိုက်သွယ်ႏဖေႏဒါႏလိတ်လာႏလိတ်မုဲင်ဖုံႏသွူ။ ကလိုႏဒါႏခွုမ်စံႏနွောင်ꩻစွန်ꩻဖုံႏယို ပျꩻနယ်စောက်စဲက်ခွုမ်စံႏကိစ္စဖုံႏကထွာဒါႏဆော့ဖ်ဝဲလ်အွဉ်ႏထွော့ချက်နဝ်ꩻတဲ့ မဲန်ႏဗဲက်ဗာႏသွူ။ စီႏမံႏဖန်းဖြယ်လိတ်လာႏလိတ်မုဲင်ဖုံႏကပါသော့ꩻနောဝ်ꩻတဲ့ ခွိုင်းကလို့စရိပ်တွမ်ႏရမ်ꩻထွားအခိန်ႏပုဲင်ႏ၊ သျုတ်သျက်လိတ်လာႏလိတ်မုဲင်ဖုံႏယို ပရောဂျက်အနေႏစီႏမံႏဖန်းဖြယ်ဗာႏ၊ အွဉ်ႏထွော့စံခိန်ႏစံအနယ်ꩻဖုံႏတွမ်ႏမာꩻထုံꩻမာꩻနဲꩻ၊ စီႏမံႏဖန်းဖြယ်သတင်ꩻအချက်အဗာႏဖုံႏ၊ သီကအဝ်ႏဒါႏအတွိုင်ꩻ အနယ်ꩻပညာႏဖဲ့ꩻဆဲင်ႏရာꩻတဲမ်းရောင်နေးထာꩻမာꩻခွင်ႏယို သွဉ်ထူႏလွေꩻတွမ်ႏဖေႏကတန်ဖေႏကယံနဝ်ꩻ ခင်ႏလမ်းဖုံႏအဝ်ႏအာတန်သွူ။